Төр Төмбөгөр
Испанийн хөлбөмбөгийн шигшээ багийн тамирчин, “Барселон” клубийн хамгаалагч Жерар Пике мэндлээд удаагүй хоёр дахь хүүгийнхээ гэрэл зургийг“Саша аавтайгаа” гэсэн тайлбартай инстаграм хуудастаа нийтэлжээ. Дуучин Шакира, Жерар Пике нар бусад алдартны адил бяцхан хүүгийнхээ гэрэл зургийг нуулгүй харин ч шүтэн бишрэгчдэдээ зориулан цахим хуудастаа нийтэлсэн аж. Шакира нэг хоногтой хүүгийнхээ зурагт “Би аавтайгаа адилхан хөлтэй учраас насан туршдаа хөлбөмбөг тоглоно” гэсэн тайлбар бичжээ. Бяцхан Саша мэндэлсэн даруйдаа хэвлэл мэдээллээр хамгийн их бичүүлсэн хүүхдээр тодорсон юм. Учир нь, Сашагийн аав дэлхийн шилдэг хөлбөмбөгчдийн нэг, ээж нь супер од, дуучин Шакира бол өвөө нь “Барселон” клубийн хуучин эзэн Амадор Бернабеу Пике нарын алдартнууд юм.
