Төр Төмбөгөр
УИХ-ын гишүүн Л.Эрдэнэчимэгийн туулай агнасан талаарх зураг цахим ертөнцөд багагүй асуудал үүсгэсэн. Түүнийг шүүмжлэгсэд олон байсан бөгөөд туулай архины, хууль зөрчив үү тамхины хууль зөрчив үү хэмээн егөөдөгсөд ч байсан юм. Тэгвэл Л.Эрдэнэчимэг гишүүн туулайн ангийнхаа талаар “Бүргэдийг анд сургахын тулд туулайны чихмэл хийж мориороо чирээд давхидаг. Бидний авахуулсан зураг дээр сургуулилт хийдэг туулайны чихмэл байгаа шүү” гэсэн тайлбар хийв. Хэдийгээр чихмэл байсан ч гэлээ өөрийн цахим хуудаснаа “Бүргэдээр туулай агнав” гэх сүржин тайлбартай зургаа нийтэлсэн учраас “Эрдэнэчимэгийн агнасан туулай зүгээр чихмэл байжээ” гээд шүүмжлэлээ багасгахгүй л болов уу. Ямартай ч сошиал нэт хөгжсөн энэ үед хийх үйлдэлдээ анхаарахгүй бол горьгүй нь дээ эрхэм гишүүн ээ.
П.ТУУЛ
Эх сурвалж http://www.info.mn
 |
 |
