Comment.mn
МэдээлэлНийгэм

Жирэмсэн эхчүүд хяналтад бүрэн хамрагдаж чадахгүй байна

Төр Төмбөгөр
2019-04-26
2 мин

Жирэмсэн эхчүүд хяналтад бүрэн хамрагдаж чадахгүй байна гэв

Нийслэлийн Эрүүл мэндийн газар, цагдаагийн газартай хамтран өчигдөр эх барих эмэгтэйчүүд, хүүхдийн эмнэлгийн эмч мэргэжилтнүүдтэй уулзалт зохион байгууллаа. Уг уулзалтаар эмч мэргэжилтнүүд санал бодлоо солилцож, тулгамдаж буй асуудлаа хэрхэн шийдвэрлэх, эх нярай, хүүхдийн эндэгдэлтэй холбоотой гэмт хэргээс хэрхэн урьдчилан сэргийлэх талаар цагдаагийн байгууллагаас мэдээлэл өгсөн юм. Түүнчлэн төрүүлсэн үрээ гудамж талбайд хаях явдал сүүлийн үед цөөнгүй гарч байгааг холбогдох албаныхан онцолж байв. Нийслэлийн хэмжээнд 1000 орчим хувийн хэвшлийн эрүүл мэндийн байгууллага үйл ажиллагаа явуулдаг байна.

Үүнд, Эх барих, эмэгтэйчүүдийн эмнэлэг 116, хүүхдийн эмнэлэг 46, уламжлалтын эмнэлэг 82, шүдний эмнэлэг 246, ортой эмнэлэг 88 үүнээс эх барих эмэгтэйчүүдийн эмнэлэг 25, сувилал 106 байдаг аж. Сүүлийн жилүүдэд хүсээгүй жирэмслэлт, үр хөндөлт хийлгэх эмэгтэйчүүдийн тоо өссөн судалгааны дүн ч байгаа аж. Өнгөрсөн оны хувьд нийслэлд үйл ажиллагаа явуулж буй хувийн хэвшлийн эмнэлгүүдэд нийт 2700 гаруй үр хөндөлт хийсэн байна. Үр хөндөлтийг шаардлагатай нөхцөлд л хийдэг бөгөөд хууль бус тохиолдолд тухайн эмнэлгийн үйл ажиллагаа явуулах эрхийг хүчингүй болгох, эмчлэх эрхийг хасах арга хэмжээ авдаг аж. Мөн нийслэлийн эрүүл мэндийн газрын даргын тушаалаар энэ сарын 4-нд нийслэлд эрүүл мэндийн тэргүүлэгч 12 чиглэлийн нэрийг гаргасан байна. Энэ утгаараа тус уулзалтад тэргүүлэгч чиглэл болох эх барих, хүүхдийн эмч нар голчлон оролцсон юм. Уулзалтын бас нэг онцлох сэдэв нь, иргэний бүртгэл буруу хийгдсэнээр жирэмсэн эх харьяа дүүргийнхээ эрүүл мэндийн байгууллагын хяналтад орж чадахгүй, тусламж үйлчилгээ авч чаддаггүй байна.

Мөн ургийн гажиг үүсэхээс гадна амь насаа алдах тохиолдол цөөнгүй гардаг талаар ярьсан юм. Жирэмсний хяналтын үед тухайн эх хяналтад сайн хамрагдсан бол төрөхийн өмнөх болон дараах хүндрэл гарах нь бага байдаг. Энэ үеэр нийслэлийн Эрүүл мэндийн газрын эмнэлгийн тусламжийн албаны дарга Л.Батцэцэг ярихдаа “Хамгийн гол нь хувийн хэвшлийн байгууллагуудад хяналтад орж, төрж буй эхийн мэдээллийг цаг тухайд нь манайд мэдээлж байх шаардлагатай байна. Саяхны статистик мэдээг харахад 2013 онд өсвөр насны 4000 охин төрсөн тоо байгаа. Өсвөр насны охид яагаад жирэмслээд байна гэхээр гэр бүл төлөвлөлтдөө анхаардаггүй. Тэдэнд аав ээж, эмчийн зөвлөгөө хангалттай сайн очихгүй байна. Тиймээс эрүүл мэндийн байгууллагын зүгээс жирэмслэлтээс хэрхэн хамгаалах, жирэмсэн болсны дараа ямар байх ёстой гэхмэтчилэн мэдээлэл хангалттай өгөх шаардлагатай” гэв. Нийслэлийн хүн ам жилээс жилд нэмэгдсээр байна. Энэ онд манай улс гурван сая дахь иргэн түүний нас чацуутнуудыг өлгийдөн авсан. Энэ хэрээр төрөх эмнэлгүүдийн чанарыг сайжруулахад анхаарах хэрэгтэй гэдгийг хуралд оролцогсод онцолж байсан юм.

Ц.ЗАЯА

Эх сурвалж http://www.info.mn

Post Views: 879

Төр Төмбөгөр

Бүх мэдээлэл

Төстэй мэдээлэл

НийгэмШуурхай мэдээ

ММСУХ-ны Тэргүүнд нэр дэвшигчдэд батламж гардууллаа

Монголын морин спорт, уяачдын холбоо /ММСУХ/-ны VIII Их хурлыг “Уламжлалт-Шинэчлэл-Хариуцлага” уриатайгаар ирэх арванхоёрдугаар сарын 2-ны өдөр Төрийн ордонд зохион байгуулж, тэргүүнээ сонгохоор болсон. Тэгвэл тус...

Төр Төмбөгөр
6 Үзсэн
НийгэмШуурхай мэдээ

ТӨСВИЙН МӨНГӨ ҮР АШИГГҮЙ ШҮРШИГДЭЭД БАЙНА УУ? САЙД АА

Монгол улсын ерөнхийлөгчийн санаачилсан ТЭРБУМ МОД ҮНДЭСНИЙ ХӨДӨЛГӨӨН идэвхтэй өрнөж байна. Үүнтэй холбоотойгоор Ойн хөнөөлт шавжтай тэмцэх ажил ч эрчимжээд байна. Ажил эрчимжиж байгаа сайн мэдээ байгаа ч үүнийг дагаад...

Төр Төмбөгөр
4 Үзсэн
НийгэмШуурхай мэдээ

Соёлын ваучерын 18 тэрбумын санаа хаанаас угшилтай вэ?

Монгол Улсын 16-18 насны 183 мянган хүүхдэд 100 мянган төгрөгийн Соёлын эрхийн бичиг  буюу ваучер олгохоор 18 тэрбум 327 сая төгрөг суулгасан нь эсэргүүцэлтэй тулгарсан. Соёлын сайд Ч.Номингийн ярьснаар,  16...

Төр Төмбөгөр
2 Үзсэн

Your Header Sidebar area is currently empty. Hurry up and add some widgets.