Төр ТөмбөгөрГаити улсын нийслэлээс 5 орчим км-ийн зайд 200 акр талбай бүхий Порт-о-Пренс хогийн цэг, манайхаар бол “улаан чулуут” байрлана. Энэхүү өдөр шөнөгүй шатаж, хорт бодис ялгаруулж байдаг талбайд эр эм, эмээ өвөө, хүүхэд гэлтгүй зуу зуугаар тоологдох “иргэд-дахин боловсруулагчид” амьдарч, хөдөлмөрлөж байна. Тэдний нэг өдрийн орлого дор хаяж 12-15 доллараар үнэлэгдэнэ.
Өдөр бүр энд 5000 тонн хог хаягдал буюу бизнесийн хэлээр мөнгө эргэлдэж байдаг ажээ. 2010 онд Гаити улсад болсон газар хөдлөлтийн уршгаар эвдэж нурсан, сөнөсөн обьектуудын хог хаягдлыг ачиж авчран энд хаяжээ. Энэ газар хөдлөлтийн уршгаар 230 000 хүн амь насаа алдаж байсан харамсалтай түүх бий.
Энэ хогийн цэг дээр ажиллаж байгаа иргэдээс Гаити улсдаа нэр хүндтэй хэд хэдэн компани өөрсдийн үйлдвэрлэлд хэрэгтэй бүтээгдэхүүнийг тодорхой ханшаар тохиролцон худалдан авдаг байна.
Эндхийн агаар, орчин шатаж буй пластмассан болон резин, хаймран бүтээгдэхүүнээс ялгарах хорт утаа, бодисоор амьсгалах ба энд идээшлэх гахай болон бусад амьтдын мах орон нутгийн хүнсний захын лангууг дүүргэнэ.
Түүнээс гадна эдгээр хог хаягдал дотор тус хотын эмнэлэг, эмнэлгийн байгууллагаас ирдэг тусгай зориулалтын хог хаягдал онцгой байр суурь эзэлнэ. –“Тэд юуг хаяж, хог болгоод байгааг бид мэдэхгүй” хэмээн энэ газрын нэгэн “бизнесмэн” ярьж байна.
Эндхийн агаар орчин нь өдөр бүр хорт хийгээр дүүрэн байх ба түүгээр амьсгалах эдгээр хүмүүс үүндээ дасан зохицсон байна.
Энэ талбайд орон нутгийн үндэсний цагдаа, хууль хяналтынхан тэр бүр зочлоод байдаггүй тул тэдэнтэй холбоотой байж мэдэх зүсэн бүрийн этгээдүүд энд орогнож байдаг байна.
Порт-о-Пренсе дахь хогийн цэгийн бүтээгдэхүүний үндсэн ажилтан-дахин боловсруулагч.
Порт-о-Пренсе дахь хогийн цэгийн бүтээгдэхүүний үндсэн ажилтан-дахин боловсруулагч.
Порт-о-Пренсе дахь хогийн цэгийн бүтээгдэхүүний үндсэн ажилтан-дахин боловсруулагч.
…
…
