Төр Төмбөгөр“Исламын улс” хэт даврагсдын бүлэглэл Йорданы нисэгчийг шатааж алсан бичлэгээ цахимаар тараасан нь йорданчуудыг хилэгнүүлжээ. Йорданы нисэх хүчний командлагч Мансур аль-Джабур Исламын хэт даврагсдын шатааж алсан нисэгч Муат аль-Касесбегийн өшөөг авлаа хэмээн мэдэгдсэн байна. Тэд тус бүлэглэлийн байршил руу нийт 56 удаагийн агаарын дайралт хийжээ.Мансур аль-Джабур хэлэхдээ “Манай дайчид тэдний гарт амиа харамсалтайгаар алдсан нисэгчийнхээ гэгээн дурсгалд зориулан өшөөгөө авна гэж тангарагласан” хэмээн мэдэгджээ. Йорданы сөнөөгч нисэгчид “Лалын улс” хэт даврагсдын бүлэглэлийн зэвсгийн болон шатахууны агуулах, орогнож буй байр, казарм, алан хядах бэлтгэлээ базаадаг тусгай лагеруудыг устгасан байна.
Н.АНХБАЯР
Эх сурвалж: www.medee.mn
