Нууцаар хил гарах гэж байгаад амиа алджээ

Энэ сарын 2-ны өдөр манай улсын иргэн Замын-Үүдийн гаалиар хил нэвтрэх гэж байгаад амиа алдсан харамсалтай хэрэг гарчээ. Тодруулбал, манай улсын иргэн бичиг баримтгүй учраас хайрцаганд нуугдан хил нэвтрэх гэж оролджээ. Гэвч тэрээр агаар дутагдсаны улмаас бүтэж нас барсан байдалтай Хилийн гаалийн ажилчдад олдсон байна.

Энэ талаар Гаалийн Ерөнхий газрын хэвлэлийн ажилтнаас тодруулахад “Энэ хэргийг цагдаагийн байгууллага шалгаж байгаа учраас манайхаас мэдээлэл хийх боломжгүй. Тухайн өдөр ажиллагаа явуулсан байцаагч ямар ажиллагаа хийгдсэн, ажиллагаа ном журмын дагуу явагдсан эсэх талаар цагдаагийн байгууллагад тайлбар өгч байна” гэв.