“Хаан гэр” ресторанд гарсан гал

Сүхбаатар дүүрэгт байрладаг “Хаан гэр” ресторанд өчигдөр 15.30 цагийн үед гарсан галыг 20.00 цагийн байдлаар унтрааж чадаагүй байлаа. Нийслэлийн онцгой байдлын газраас галыг яаралтай унтраахаар ажиллаж байна. Цахим хуудсаар гал унтраах зургаан машинтай баг ажилласан гэх мэдээлэл гарсан ч Нийслэлийн онцгой байдлын хэвлэлийн төлөөлөгч “Зургаагаас олон машин галын голомтод ажиллаж байгаа. Тодорхой мэдээллийг өнөөдөр хэвлэлийнхэнд өгнө” гэлээ. Сүүлд авсан мэдээллээр шатаж байгаа барилгын залгаа байшинд их хэмжээний газ байгаа аж. Хэрвээ галыг яаралтай унтраахгүй бол хий дэлбэрэх аюултай нөхцөл байдал үүсчээ. Гал гарсантай холбогдуулан “Хаан гэр” рестораны ойролцоох зарим замыг түр хугацаагаар хаасан байна.