Төр Төмбөгөр
Нью-Йорк хотын болон Зүүн Хойд АНУ-ын бусад бүс нутгуудаар бүрхсэн цас 90 см зузаантай байгаа талаар “BBC”-ээс “Түүхэн дэх хамгийн их цас” хэмээн мэдээлж байна.
Бүх тээврийн хэрэгслийг Даваа гарагийн 23:00-аас эхлэн хөдөлгөөнд орохыг хориглосон ба метроны үйлчилгээг зогсоосон байна.
Онцгой байдлыг Нью-Йорк, Нью-Жерси, Коннектикут, Род-Айланд, Массачусетс, Нью-Хэмпшир мужуудад зарласан байна. Өнөөдрөөс эхлэн Бостон, Филадельфи хотуудад онц байдал зарлаж, хотын иргэдэд сэрэмжлүүлэг хүргэжээ.
Дээрх хотуудад цас их орж, үзэгдэх орчин муу байгаа учир томоохон замуудыг хааж, хотын иргэдийг машинаасаа татгалзахыг хотын удирдлагууд уриалжээ. Онцгой байдлын аврагчид Нью-Жерси, Коннектикут мужийн иргэдэд дулаан хувцас, цэвэр ус, нэмэлт үүсгэвэр, лаа, шүдэнз зэргийг тараасан байна.
О.Мөнхдуулга
