Ц.Цолмон сайд салбарынхаа алба хаагчдын нийгмийн асуудлыг шийднэ гэв

Азтай гэмээр нэгэн томилгоо хийгдсэн нь Ц.Цолмон гишүүнийг Батлан хамгаалахын сайдаар томилсон явдал. Түүний хувьд “Шударга ёс” эвсэл дотроо намаа сольсон анхны гишүүн. Харин Шинэчлэлийн Засгийн газарт “давхар дээл”-тэй сайд бүрдсэний нэг нь мөн л Ц.Цолмон гишүүн болж таарсан. Тэгвэл эрхэм сайд салбарынхаа ажилтай танилцаж, нэгэн шийдвэр гаргахаар болсон байна. Тэрбээр энэ талаараа “Өнгөрсөн амралтын өдрүүдэд Зэвсэгт хүчний зарим ангид ажиллалаа. Манайхан ажил үүргээ хангалттай сайн гүйцэтгэж байгаа нь ажиглагдлаа. Гэхдээ алба хаагчдын нийгмийн асуудал орхигдсон хэвээр байна. Энэ бол миний заавал шийдэх ёстой ажлын маань нэг байх учиртай” гэсэн юм.