Төр Төмбөгөр
БНХАУ-ын Өвөрмонголын өөртөө засах орны Шилийн гол аймгийн төв, Шилийн хотод уржигдар маш сонирхолтой нэгэн барилдаан зохион байгуулагдсан байна. Тодруулбал энэхүү барилдаанд Өвөрмонгол, Монголын тус бүр шилдэг найман бөх оролцож хасагдах журмаар өрсөлдсөн бөгөөд манай улсаас улсын аварга С.Мөнхбат, улсын заан Ч.Санжаадамба, улсын заан М.Өсөхбаяр тэргүүтэй шилдэг найман бөх хүч үзэхээр явсан билээ. Ингээд энэхүү барилдаанд улсын заан Ч.Санжаадамба түрүүлж, 500 грам шижир алт болон үнэ бүхий зүйлээр шагнуулжээ.
