Төр Төмбөгөр
Цөмийн эрчим хүчний салбартаа дэлхийд тэргүүлэгч Францын төрийн өмчит АРЕВА групп “Арева Монгол” ХХК нэрээр 1997 оноос хойш манай улсад үйл ажиллагаагаа явуулж буй. Тус компанийн зүгээс өнгөрсөн хугацаанд ураны гол бүтээгдэхүүн болох “шар нунтаг” үйлдвэрлэх зорилготойгоор Дорноговь, Сүхбаатар аймгуудад ураны хайгуул хийсээр ирсэн. Хайгуул болон туршилтын олборлолтын явцад тэд орон нутаг дахь малчид, ард иргэд, иргэний нийгмийн байгууллагуудаас ихээхэн шүүмжлэл хүртээд байгаа юм.
Тэгвэл АРЕВА компани Дорноговь аймгийн ИТХ-ын дарга Г.Ганбаатар тэргүүтэй албан тушаалтнуудыг Франц дахь үйл ажиллагаатайгаа танилцуулахаар урьжээ. Энэхүү бүрэлдэхүүнд тус аймгийн ИТХ-ын Ш.Эрдэнэбаяр, Ц.Гантулга, Ч.Энхбат, Азбаяр, Г.Баярсайхан, Т.Эрдэнэцэцэг, Б.Эрдэнэцэцэг гэх эрхэмүүд нь багтаж байгаа аж.
Францад уригдсан гэх Г.Ганбаатар нь өөрсдийгөө хувийн зардлаар тус улсыг зорьсон гэж жиргээ хуудсандаа бичжээ. Гэсэн хэдий ч Арева нь өөрийн хайгуул хийж байгаа орон нутгийн удирдлагуудыг Францад урьсан нь цаад утгаараа ашиг сонирхлын зөрчилтэй байж магадгүй гэх хардлагыг иргэд цахим сүлжээнд илэрхийлжээ.
Эх сурвалж: www.photonews.mn
