Төр Төмбөгөр
Солонгосын агаарын тээврийн “Кореан Эйр” компани манайхтай гэрээ хийж, агаарын тээврийн бизнест өрсөлдөх болсоор удаж байгаа. Гэхдээ тус компанийнхан сүүлийн үед монголчуудыг дэндүү дорд үзэх боллоо гэж үйлчлүүлэгчид нь гомдол мэдүүлдэг ажээ. Шалгагч нар нь үнэрч нохойгоор монголчуудын ачаа тээшийг шиншлүүлнэ. Тэгээд махны төрлийн зүйлийг нь хамгийн түрүүнд илрүүлж орхино. Энэ нь халдваргүйжүүлэлт, ариун цэврийн дэглэм сахихад хэрэгтэй ч хамгийн адармаатай нь тэрхүү үнэрч нохойгоор шиншлүүлэгч солонгосчууд нь манайхныг янз бүрээр шоолон тохуурхдаг болсон байна.
Тус компанийн ерөнхийлөгч Чо Хюн Ай-гийн ийн охин саяхан аавынхаа нэрээр гул барьж, Америкаас Солонгосын чиглэлд нисэх хуваарьтай онгоцных нь нислэгийг хойшлуулж, Нью-Йоркт буцаагаад буулгаж орхисон нь дэлхийгээр нэг шуугиан тарьсан. Ер нь энэ мэт дураараа аашлах явдал “Кореан Эйр”-ийн зүгээс удаа дараа гарч буй аж. Сөүл хот руу “Кореан Эйр”-ээр үйлчлүүлсэн монголчууд “Эд нар галзуурч байна” хэмээн дэмий л үглэх болжээ.
Б.Баяр
Эх сурвалж: Tumen.mn
