Төр Төмбөгөр
Цагдаагийн байгууллага Сүхбаатар дүүргийн есдүгээр хорооны нутаг дэвсгэрт хуурамч архи зарж байна гэсэн мэдээллийн дагуу шалгахад уг хороонд оршин суух 48 настай эмэгтэй О гэгч нь гар аргаар “Улаанбаатар”, “Болор”, “Экс” архийг хуурамчаар үйлдвэрлэж байсныг таслан зогсоож, шалгалтын ажиллагааг үргэлжлүүлж байна.
Харин тухайн этгээдээс 116 шил архийг эд мөрийн баримтаар хураан авчээ. Энэхүү архинууд нь чанарын баталгаагүй спиртээр хийгдсэн учраас эрүүл мэндэд ноцтой хор хохирол учруулдаг нь шинжилгээгээр тогтоогдсон байна. Тиймээс архи, согтууруулах ундааны зүйлийг баталгаатай, албан ёсны гэрээт борлуулагчид, тусгай зөвшөөрөлтэй дэлгүүрээс худалдан авч байхыг цагдаагийн байгууллагаас сэрэмжлүүлж байна.
Эх сурвалж http://www.info.mn
