Comment.mn

1,072 хувьцааны ногдол ашгийг сар шинийн баяраас өмнө нь иргэдийн дансанд шилжүүлэхээр болжээ

Засгийн газрын өнөөдрийн хуралдаанаар “Эрдэнэс Тавантолгой” ХК-ийн ногдол ашиг тараах асуудлыг хэлэлцэн шийдвэрлэжээ. Энэ талаар “Эрдэнэс Тавантолгой” ХК-ийн гүйцэтгэх захирлын үүргийг түр орлон гүйцэтгэгч Х.Мөнхжаргал Төрийн ордонд мэдээлэл өглөө. 

Тэрбээр “Засгийн газрын өнөөдрийн хуралдаанаар ногдол ашиг олгох талаар танилцуулга хийсэн. Манай компанийн Төлөөлөн Удирдах Зөвлөл (ТУЗ) одоо хуралдаад ногдол ашгийг хэрхэн олгох шийдвэр гаргана. 

Цагаан сарын баяраас өмнө нь 100 мянган төгрөг, дөрөвдүгээр сард үлдэгдэл 100 мянга орчим төгрөгийн ногдол ашиг иргэдийн дансанд шилжүүлэхээр төлөвлөсөн. “Эрдэнэс Тавантолгой” компанид иргэдэд олгох ашгийг тараах нөөц бололцоо бүрэн байгаа. Засгийн газраас хувааж олгох чиглэлийг өгсөн. Гэхдээ компанийн ТУЗ хуралдаж, эцсийн шийдвэрийг гаргана. 

1,072 хувьцаатай иргэний 2024 оны ногдол ашигт 350 орчим мянган төгрөг тараахаар байгаа. Өнгөрсөн оны арванхоёрдугаар сард урьдчилаад 130 мянган төгрөг өгсөн. Одоогоор татвар хассан дүнгээр 200 орчим мянган төгрөг үлдсэнийг хоёр хувааж олгох юм. Нийтдээ 1.1 их наяд төгрөгийн ногдол ашгийг иргэдэд тараана” гэв. 

Төр Төмбөгөр

Сэтгэгдэл нэмэх

This site uses Akismet to reduce spam. Learn how your comment data is processed.

Your Header Sidebar area is currently empty. Hurry up and add some widgets.