Төр Төмбөгөр
Монгол Улсын Ерөнхий сайдын тэргүүлдэг Хүүхдийн төлөө үндэсний зөвлөлөөс 2014 оны “Онцлох Монгол хүүхэд”-ийг шалгарууллаа. Үндэсний хэмжээнд нийт 33 хүүхдийн тодорхойлолт ирсэнээс 9 хүүхэд 2014 оны “Онцлох Монгол хүүхэд”-ээр шалгарчээ.
2014 оны “Онцлох Монгол хүүхэд” хүндэтгэлийн арга хэмжээ өнөөдөр 15.00 цагт Төрийн ордоны Ёслолын танхимд болох аж.
1. “Уран нүүдэлч хүүхэд”-ээр : Даваахүүгийн Мөнхзул Өсвөрийн шатарчдын дэлхийн аварга, өсвөрийн шатарчдын рапид төрлийн Ази тивийн аварга – Нийслэлийн БЗД-ийн 33 дугаар сургуулийн 3д ангийн сурагч
2. “Хүмүүнлэг хүүхэд”-ээр : Цэрэндондовын Ухаанзаяа Хэнтий аймгийн 1 дүгээр сургуулийн 8а ангийн сурагч
3. “Эко хүүхэд”-ээр : Зоригтбаатарын Буянхишиг Чингэлтэй дүүргийн 117 дугаар сургуулийн 7б ангийн сурагч
4. “Оюунлаг-талст хүүхэд”-ээр : Адъяасүрэнгийн Анударь Гетё сургуулийн 11а ангийн сурагч
5. “Эрэмгий хүүхэд”-ээр : Чогдонгийн Бямбажав Сэлэнгэ аймгийн Цагааннуур сумын сургуулийн 6 дугаар ангийн сурагч
6. “Үндэсний мэргэн хүүхэд”-ээр : Нармандахын Алтантулга Баян-Өлгий аймгийн Өлгий сумын 2-р бүрэн дунд сургуулийн 10г ангийн сурагч
7. “Үндэсний мэргэн хүүхэд”-ээр : Батчулууны Санчирнаран Төв аймгийн “Зуун мэргэн” холбооны харваач, Дархан-Уул аймгийн “Наран” сургуулийн 10 дугаар ангийн сурагч
8. “Зөв монгол хүүхэд”-ээр : Дуламсүрэнгийн Мягмарсүрэн Биеийн тамирын дээд сургуулийн 1-р курсийн оюутан
9. “Хүүхдийн шилдэг бүтээл”-ээр : Баян-Очирын Ёндонжамц TV9 телевизийн дэргэдэх Лоолойгийн найзууд” хүүхдийн клубын гишүүн
