Төр Төмбөгөр
“Монгол контент”-той гэрээ байгуулан чамгүй өндөр хөлсөөр нүцгэн зураг авахуулсан дуучин М.Нара ээж болоод удаагүй байгаа ч эротик нэрнээсээ салахгүй нь. Хэдийгээр нялх үрээ асран, телевизийн шоу нэвтрүүлгээ амжилттай хөтөлж буй боловч түүний талаархи элдэв яриа өнөөг хэр нь тасарсангүй.
Харин нүцгэн зургуудыг нь дэлгэн элдэв янзаар ярьж бичдэг зарим хүмүүст зориулан дуучин бүсгүй маань саяхны нэгэн нэвтрүүлэгт оролцохдоо энэхүү тайлбарыг өгчээ. Тэрбээр нүцгэн зургуудынхаа тухайд “Би зөвхөн “Монгол контент”-ийн гэрээний дагуу ганцхан удаа л нүцгэлсэн. Түүнээс биш хаа сайгүй нүцгэлж гүйгээд байсан юм алга. Тэр зургуудыг маань одоо хүртэл ашиглаж, янз бүрийн нэр хоч өгдөг хүмүүс болимоор юм. Урлагийн хүн учраас энэ мэт зүйлд яагаад бусдын адил оролцож болохгүй гэж. Ээж аав минь намайг тэгж их зовж төрүүлж, өсгөсөн байтал би яагаад бусдын “зааснаар” амьдрах ёстой гэж.
Энэ бол миний амьдрал. Бас миний л сонголт. Хэрэв би хүсвэл дахиад нүцгэлсэн ч чадна. Аливаа зүйлийг эерэг талаас нь харах бус элдвээр гоочилж, гутаан доромжилж амьдарна гэвэл утгагүй шүү дээ. Би ч бас бусадтай л адилхан үр хүүхдээ өсгөж, амьдрахын төлөө зүтгэж яваа эмэгтэй хүн” хэмээн шударгаар хариулсан юм. Тиймээс угийн өөрийн санаж бодсон зүйлийг хэнээс ч ичиж эмээлгүйгээр хийх дуртай, зорьсондоо тууштай байхыг хичээдэг дуучин бүсгүйн нүцгэн зургууд дахин олны анхаарлыг татвал гайхах хэрэггүй бололтой.
Б.Содон
Эх сурвалж: www.photonews.mn
