Төр ТөмбөгөрӨчигдөр МЧБХ-ны шинэ жилийн цэнгүүн “Кроун брахауз” зоогийн газарт өвлийн өвгөнтэй, дуутай хууртай, хөгжилтэй, шагналын хуртай болж өнгөрлөө.
Шинэ жилийн цэнгүүнд холбооны ерөнхийлөгч, Хөдөлмөрийн баатар, Гавьяат тамирчин, Азийн бөхийн холбооны Удирдах зөвлөлийн гишүүн Д.Дагвадорж, тэргүүн дэд ерөнхийлөгч, Гавьяат тамирчин Б.Болд, УИХ-ын гишүүн, Улсын аварга Д.Сумьяабазар, дэд ерөнхийлөгч “Алтай констракшн” компанийн ерөнхий захирал Х.Бат-Эрдэнэ, Б.Өнөбаатар, “Хасу-Мегаватт” компанийн захирал, Аж үйлдвэрийн Гавьяат ажилтан Ж.Түмэн-Аюуш, ерөнхий нарийн бичгиййн дарга О.Баянмөнх, нарийн бичгийн дарга, олон улсын шүүгч Б.Төмөрбаатар, Шүүгчдийн зөвлөлийн дарга, олон улсын шүүгч Ц.Сэрээтэр, зөвлөх, Ардын багш, Гавьяат тамирчин Ч.Дамдиншарав, үндэсний шигшээ багийн дасгалжуулагчид, тамирчид, шүүгчид, зарим спорт хороо, клубын дасгалжуулагчид, ахмадын зөвлөлийн гишүүд, эрэгтэй үндэсний шигшээ багийн зөвлөх Гавьяат дасгалжуулагч Ц.Нацагдорж нар оролцлоо. Тэрчлэн Спортын бэлтгэлийн төвийн дэд дарга, ОХУ-ын Буриад улсын Спортын гавьяат зүтгэлтэн Ц.Одонбаяр, Хөдөлмөрийн баатар, Гавьяат тамирчин З.Ойдов, Хөдөлмөрийн баатар, Гавьяат тамирчин, Дархан аварга Д.Цэрэнтогтох, Гавьяат дасгалжуулагч Х.Намшир, Налайх дүүргийн Биеийн тамир, спортын хорооны дарга, Гавьяат дасгалуулагч А.Цэрэнсодном, “Аврагч” спортын хорооны дарга, Гавьяат тамирчин Ц.Баярсайхан, ДБНХ-ны Хүндэт шүүгч Н.Дүгэрсүрэн, ахмад шүүгч Б.Дашням нар болон манай оронд хамтарсан бэлтгэл хийж байгаа БНХАУ-ын Өвөр Монголын өөртөө засах орны шигшээ багийн дасгалжуулагч Батмөнх шигшээ багийнхаа бөхчүүдийн хамт урилгаар оролцлоо.
Цэнгүүнийг нээж ерөнхийлөгч Д.Дагвадорж үг хэлэхдээ “Манай чөлөөтийнхөн улирч байгаа 2014 онд тавьсан зорилтуудаа биелүүлж өндөр амжилтанд хүрсэн нь холбооны удирдлага, ивээн тэтгэгч компани, дасгалжуулагчид, бөхчүүд, шүүгчдийн хамтын зүтгэл, мэрийлтийн үр дүн байсныг тэмдэглэн хэлэхэд таатай байна. Ирж байгаа 2015 онд урьдын адил эв нэгдлээ бататган хамтын хүчээр урагшилж олимпийн олон эрх авахын төлөө явна, ирэх оныг чөлөөт бөхийг хөдөө орон нутагт хөгжүүлэх жил болгож өсвөр, залуучуудаа дэмжиж ажиллана.” гэж онцлон дурдсан.
Монгол улсын Ерөнхийлөгчийн зарлигаар олон улсын шүүгч С.Чинбат “Хөдөлмөрийн хүндэт медаль”-иар шагнагдсаныг УИХ-ын гишүүн Д.Сумьяабазар, Эрүүл мэнд, спортын сайдын тушаалаар улсын шүүгч Д.Алтанцэцэг “Биеийн тамир, спортын тэргүүний ажилтан” цол тэмдгээр, МЧБХ-ны ажилтан С.Оюунтунгалаг яамны “Хүндэт жуух”-аар шагнагдсаныг СБТ-ийн төвийн дэд дарга Ц.Одонбаяр гардуулан өглөө.
МЧБХ-ны ерөнхийлөгчийн нэрэмжит 500 ам.долларын шагналыг 2014 онд дэлхий, тив, үндэсний хэмжээнд спортын өндөр амжилт гаргасан дасгалжуулагч, бөхчүүд, шүүгчдэд олголоо. Уг шагналыг ерөнхийлөгч Д.Дагвадорж эмэгтэй үндэсний шигшээ багийн ахлах дасгалжуулагч, Гавьяат дасгалжуулагч Б.Батбаяр, Налайх дүүргийн Биеийн тамир, спортын хорооны дасгалжуулагч Д.Мөнхбаяр, “Алдар” спорт хорооны дасгалжуулагч Ц.Хосбаяр, “Хасу-Мегастарс” клубын дасгалжуулагч Ц.Баярсайхан, “Арслан” клубын захирал Б.Баттулга, Оны шилдэг шүүгчээр шалгарсан олон улсын шүүгч А.Батмөнх, “Охидын бөхийн академи” ТББ-ын менежер Ч.Жумба, “Алдар” спорт хорооны тамирчид болох ДАШТ-ний хүрэл медальт, Гавьяат тамирчин Г.Мандахнаран, дэлхийн аварга, олон улсын хэмжээний мастер С.Цэрэнчимэд, ДАШТ-ний мөнгө, хошой хүрэл медальт, Баянзүрх дүүргийн цагдаагийн II хэлтсийн офицер, Гавьяат тамирчин О.Бурмаа, ДАШТ-ний хүрэл медальт, “Хилчин” спорт хорооны тамирчин, олон улсын хэмжээний мастер Э.Ням-Очир, азийн аварга, “Ганьт” клубын тамирчин, олон улсын хэмжээний мастер Д.Хүдэрбулга, залуучуудын дэлхийн аварга, “Хасу-Мегастарс” клубын тамирчин, олон улсын хэмжээний мастер А.Батцэцэг, оюутны дэлхийн аварга, “Гацуурт-Олимп” клубын тамирчин, олон улсын хэмжээний мастер Т.Түвшинтулга, “Аврагч” спорт хорооны тамирчин, олон улсын хэмжээний мастер С.Бямбацэрэн, холбооны зөвлөх, Ардын багш, Гавьяат тамирчин Ч.Дамдиншарав, эрэгтэй үндэсний шигшээ багийн зөвлөх Гавьяат дасгалжуулагч Ц.Нацагдорж нар гардуулан өгсөн.
МЧБХ-ны дэд ерөнхийлөгч, “Алтай констракшн” компанийн ерөнхий захирал, Х.Бат-Эрдэнэ өнгөрч байгаа онд ДАШТ-нээс алтан медаль хүртсэн С.Цэрэнчимэдэд холбооны өмнөөс хоёр байр бэлэглэж хүрэл медаль хүртсэн О.Бурмаа, Г.Мандахнаран, Э.Ням-Очир нарыг тус бүр 2 сая төгрөгөөр урамшуулж олон улсын хэмжээний мастер Э.Бэхбаярыг ирэх оноос компанийхаа нэр дээр барилдуулж байх болсноо зарлаж түүний бэлтгэл сургуулилтанд нь дэмжлэг болгон түүний дасгалжуулагч, ”Ирээдүй” цогцолбор сургуулийн багш, Гавьяат тамирчин А. Энхээд 10 сая төгрөг гардууллаа. Тус компани нь энэ онд өмнө нь Гавьяат тамирчин С.Батцэцэг, Г.Мандахнаран, О.Насанбурмаа нарт байр олгосон ажээ.
“Харш” хамтлагийн дуучин Б.Баярт, дуурийн дуучин Б.Жавхлантөгс, дуучин Амина, “Аварга” биеийн тамирийн дээд сургуулийн оюутнууд зэрэг дуучид, хөгжмийн хамтлаг дуу, хөгжмийнхөө аялгуугаар цэнгүүнд оролцогчдыг хөгжөөлөө.
Д.ӨЛГИЙСАЙХАН /МЧБХ/
Эх сурвалж : http://www.goodnews.mn/
