Төр Төмбөгөр
Иргэдэд хөдөлмөрийн маргаан, гэр бүл, газартай холбоотой асуудлаар үнэгүй зөвлөгөө, мэдээлэл өгнө Сүхбаатар дүүргийн Засаг даргын Тамгын газар Монголын Хуульчдын холбоотой хамтран маргааш буюу 2016 оны аравдугаар сарын 6-нд иргэдэд хөдөлмөрийн маргаан, гэр бүл, газартай холбоотой асуудлаар үнэгүй зөвлөгөө, мэдээлэл өгнө.
Энэ арга хэмжээ дүүргийн Засаг даргын Тамгын газрын Иргэний танхимд 13:30-17:30 хооронд болох бөгөөд 10 гаруй өмгөөлөгчдийн бүрэлдэхүүнтэй баг Эрүү, иргэн, захиргааны чиглэлээр иргэдэд дэлгэрэнгүй мэдээлэл өгөх юм.
Тодруулбал, иргэн танд газар, гэр бүл, гэрээ, гэмт хэрэг, өв залгамжлал, гэрээслэл, хөдөлмөрийн маргаан, гэм хор зэрэг чиглэлээр хуулийн зөвлөгөө хэрэгтэй байгаа бол энэхүү арга хэмжээнд идэвхтэй оролцохыг урьж байна.
