Төр Төмбөгөр
“LADY” залуу хатагтай ноёдын сургуулийн төгсөлтийн баяр өнөөдөр боллоо. Төгсөлтийн баяраар сурагчид, эцэг эхчүүддээ зориулан мэдсэн сурсан зүйлсээ тайлагнан, сонирхуулж байв. Мөн тус сургуулийн дэргэдэх “Dream dance” бүжгийн клубын чөлөөт бүжгийн “Ангуучид” хамтлаг мэндчилгээ дэвшүүлэн, бүжиглэсэн юм.
Энэ үеэр “Ангуучид” хамтлагийн бүжгийн багш Х.Батхүүгээс дараах зүйлийг тодрууллаа.
–Залуу хатагтай ноёдын сургууль ямар онцлогтой сургууль вэ?
-Өнөөдөр залуу хатагтай ноёдын сургуулийн нэг ангийн төгсөлт болж байна. 14 хоног хичээллэдэг, өглөөний анги, өдрийн анги гэж бий. Наймаас дээш насны хүүхдүүд элсэн суралцах боломжтой. Биеэ зөв авч явах, харилцааны соёл, тайзны алхаа, цагийг зөв өнгөрүүлэх, мөнгөө зөв зарцуулах зэрэг маш их ач холбогдолтой хичээлүүдийг мэргэжлийн чадварлаг багш нар заадаг онцлогтой. Мөн төгсөхдөө төгсөлтийн баяраа тэмдэглэж, юу сурснаа эцэг эхчүүддээ тайлагнахаас гадна, хүүхэд бүрт сертификат олгодог.
–Эцэг эхчүүд хэр сайшаалтай ханддаг вэ?
-Хүүхдүүд Залуу хатагтай ноёдын сургуульд суралцаад, нэлээд өөрчлөгддөг, ирээдүйд юу хийх, ямар мэргэжилтэй хүн болох зэрэг зорилгоо тодорхойлдог юм. Мөн багш нар хүүхдүүдтэйгээ, чөлөөтэй, нээлттэй харилцаж, хичээл ордог нь хүүхдийг нээн, хөгжүүлэхэд ач холбогдолтой байдаг юм. Тиймээс манай хүүхэд ингэж өөрчлөгдсөн байна баярлалаа гэдэг эцэг эхчүүд олон. Нэг айл гурван хүүхдээ гурвууланг нь Залуу хатагтай ноёдын сургуульд суралцуулах тохиолдол ч олон бий. Эцэг эхчүүд ер нь залуу хатагтай ноёдын сургуульд хүүхдээ сургах дуртай байдаг. Мөн хүүхдүүд үргэлжлүүлээд, тайзны алхаа, бүжгийн сургалтандаа явж болно. Манай сургууль 14 жил үйл ажиллагаагаа явуулж байгаа. Манай сургуульд суралцан гараад, гадаадын шилдэг их дээд сургуульд суралцаж, сайн мэргэжилтэн, манлайлагч залуус болцгоон амжилтанд хүрцгээсэн. Залуу хатагтай ноёдын сургуулийн үе, үеийн төгсөгчиддөө улам их амжилт хүсье.
–Залуу хатагтай ноёдын сургуулийн сургалт ямар үнэтэй байдаг вэ. Мөн “Dream dance” бүжгийн клубийн нэг сарын төлбөр хэд вэ?
-Залуу хатагтай ноёдын сургуулийн 14 хоногийн сургалтын төлбөр 248 мянган төгрөг. Dream dance бүжгийн ангид суралцах сарын төлбөр 120 мянган төгрөгийн үнэтэй. Бүжгийн клубт наймаас дээш насны хүүхэд залуус насны хязгааргүй суралцдаг. Манай клубээс төрөн гарсан “Ангуучид” хамтлаг том зорилго тавиад, тууштай, идэвхтэй бүжгийн бэлтгэлээ хийж байна.
“Ангуучид” хамтлагийн ахлагч Б.Нямсувдаас дараах зүйлийг тодрууллаа.
–Өөрийгөө танилцуулахгүй юу хэзээнээс бүжиглэж байна?
-Намайг Б.Нямсувд гэдэг. 10-р ангийн сурагч. Өмнө нь Залуу хатагтай ноёдын сургуульд суралцаж байсан. Харин энэ жилээс туслах багшаар ажиллаж байгаа. Мөн “Dream dance” бүжгийн клубын “Ангуучид” хамтлагийн ахлагч. Анх дөрвөн жилийн өмнө бүжиглэж эхэлсэн. Харин хоёр жилийн өмнөөс Х.Батхүү багшийн шавь болсон.
–Хамтлагийнхаа талаар?
Бид өөрсдийн сонирхолдоо хөтлөгдөн бүжиглэж нэг хамтлаг болсон. Энэхүү хамтлагийг бие болгоход Х.Батхүү багш биднийг нэгтгэн, маш их зүйлийг зааж сургасан. Манай хамтлаг долоо хоногийн таван өдөр өглөө 11.00 цагаас оройны 18.00 цаг хүртэл эрчимтэй бэлтгэл хийж байна.
Манай хамтлаг долоон эмэгтэй, гурван эрэгтэй, нийт 10 гишүүнтэй. Манай хамтлагийнхан өөр, өөр сургуулийн долоогоос арван хоёрдугаар ангийн хүүхдүүд. Одоогоор найман бүжиг сурсан. Urbandance, House зэрэг найман бүжиг сурсан байгаа. Бид олон тоглолт, баяр наадамд бүжиглэх хүсэлтэй.
Өнөөдөр Залуу хатагтай ноёдын сургуулийн төгсөлтийн баярт чөлөөт “Lala” бүжгээ бүжиглэлээ. Та бүхэн ч гэсэн бидэнтэй нэгдэх боломжтой. Бид бүжиглэх сонирхолтой хүүхэд залуусыг хүлээж авахад хэзээд бэлэн. Манай Dream dance бүжгийн клубт хүрэлцэн ирж суралцаарай.
Залуу хатагтай ноёдын сургууль болон Dream dance бүжгийн клуб элсэлт авч байна. Залуу хатагтай ноёдын сургуульд элсэн суралцахыг хүсвэл 99043671, 317989, 91195713, 88088979 утсаар холбогдоорой.
Манай хаяг Чингэлтэй дүүрэг “Нарны титэм”-ийн 2 давхарт “Lady” төв
