Нийслэлийн удирдлагын зөвлөлийн ээлжит хуралдаан боллоо. Хуралдаанаар “Ногоон бүсийн хүүхдийн зуслангийн бэлтгэл ажлыг хангах тухай” асуудлыг хэлэлцлээ. Хуралдаанд асуудлыг нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл танилцууллаа.

Нийслэлийн хэмжээнд бүртгэлтэй 35 зуслан байдаг ч сүүлийн гурван жилийн хугацаанд 22 зуслан тасралтгүй үйл ажиллагаа явуулж байна. Эдгээрээс төрийн болон байгууллагын дэргэдэх 6, хувийн хэвшлийн 16, огт үйл ажиллагаа явуулахгүй байгаа 13 зуслан байна. Амрагч хүүхдийн тоо сүүлийн 3 жилээр гаргавал 2013 онд 18793, 2014 онд 17404, 2015 онд 17831 хүүхэд амарчээ. Нийслэлийн Засаг даргын захирамжаар жил бүр хүүхдийн зуслангуудад зуслангийн ерөнхий шаардлага, Монгол Улсын стандартын хэрэгжилтэнд хяналт үнэлгээ хийх ажлын хэсгийг томилж ажиллуулдаг. Ажлын хэсэг хяналт үнэлгээг шалгуур үзүүлэлтийн дагуу хүүхдийн зуслан эхлүүлэхэд болон үйл ажиллагааны явцад 2 удаа шалгалт хийдэг байна.

Энэ жил шалгалт хийхээс гадна зуслангийн үйл ажиллагааг дэмжих, чанар хүртээмжийг нэмэгдүүлэх зорилгоор “Хүүхдэд ээлтэй зуслан” болзолт уралдааныг 2 дахь жилдээ зохион байгуулахаар төлөвлөжээ. Харин уралдааныг зохион байгуулж, шагнал урамшуулал олгоход 9,9 сая төгрөг шаардлагатай бөгөөд нийслэлийн Засаг даргын нөөц хөрөнгөөс гаргахаар шийдвэрлэлээ. Мөн хуралдаанаар хүүхдийн зуслангуудад тавигдах шаардлагыг бүрэн хангуулахад онцгой анхаарч ажиллахыг Нийслэлийн хүүхэд, гэр бүлийн хөгжлийн газарт үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Найрсаг Улаанбаатар” хөтөлбөрийн хүрээнд “Ulaanbaatar book fair” олон улсын номын баярыг энэ сарын 20-21-ний өдрүүдэд Чингис хааны нэрэмжит талбайд зохион байгуулах гэж байна. “Номд дурлаж мэдлэгт шүтэх Найрсаг хотын иргэд” уриатайгаар зохион байгуулах олон улсын номын баярын үеэр олон улсын зохиолч бүтээгч, уншигчид төдийгүй жуулчдыг татах олон сонирхолтой арга хэмжээ болох юм.

Энэ өдрүүдэд олон улсын соёлын үзэсгэлэн үзэх, “Ном яръя, кофе ууя” чөлөөт орчин, “Уншлагын баяр”, Дэлхийн өнцөг булан бүрээс ирсэн хүүхдүүдтэй уулзах, ахмад зохиолчдын хүндэтгэлийн арга хэмжээ, зохиолын дүрийн тоглолтууд, номын сангийн өдөрлөг, үзэсгэлэн, номын шагналтай тэмцээн уралдаанууд болохоос гадна энэ үеэр ном хэвлэлийн байгууллагууд номоо 20-50 хувийн хямдралтай худалдахаар болжээ.

Нийслэлийн иргэн та олон улсын номын баярт хүрэлцэн ирж өөрийн хүндэтгэдэг, хайрладаг зохиолчидтойгоо уулзан худалдан авсан ном дээрээ гарын үсэг зуруулан авах боломжтой. “Номын баяр”-ын хүрээнд нийгэмд тустай үйл ажиллагааг дэмжиж шинээр байгуулагдсан Чингэлтэй дүүргийн “Хүүхдийн номын өргөө”-нд хэрэгцээт шинэ номыг цуглуулах аян өрнүүлэх юм байна.

Олон улсын номын баярт Улаанбаатар хотын номын сангууд, Монгол Улсад суух Элчин сайдын яамд, ном эрхлэн гаргагч байгууллагууд, зохиолч орчуулагч, уран бүтээлчид, их дээд сургуулийн төлөөлөл, төрийн болон төрийн бус байгууллагууд оролцоно.

“ULAANBAATAR BOOK FAIR 2016” ОЛОН УЛСЫН НОМЫН БАЯРЫНХӨТӨЛБӨР

Хэзээ: 2016.05.20
Хаана: Чингисийн талбай

10.20-10.30 “Хорвоогийн олон өнгө” Флаш моб
10.30-11.15 Нээлтийн ёслол
11.15-11.25 “Мэндчилгээ” ардын бүжиг
11.25-12.25 Улаанбаатар чуулгын урлагийн тоглолт
12.25-13.00 Номын танилцуулга
13.00-14.30 “Хорвоогийн олон өнгө” олон улсын урлагийн тоглолт
14.30-15.00 Хөгжөөнт тоглоом
15.00-15.30 Зохиолын дүрийн баатруудын тоглолт
15.30-16.00 Урлагийн тоглолт
16.00-16.30 “Хүүхдийн номын өргөө”-нд хандив цуглуулах
16.30-17.30 “Залуу нас” яруу найргийн уншлага
17.30-17.55 Хөгжөөнт тоглоом
17.55-18.00 Хаалтын арга хэмжээ
10.00-20.00 Номын хямдралтай худалдаа

Хэзээ: 2016.05.21
Хаана: Чингисийн талбай

11.40 – 11.45 Хөтлөгч арга хэмжээ нээнэ.
11.45 – 12.25 Урлагийн тоглолт
12.25 – 13.00 Хөгжөөнт тоглоом
13.00 -14.30 “Хорвоогийн олон өнгө” олон улсын урлагийн тоглолт
14.30 -15.00 “Яруу найраг, яруусал” бүлгэмийн чөлөөт уншлага
15.00 -15.30 Урлагийн тоглолт
15.30 -16.30 Хүүхдийн зохиолчдын бүтээлийн уншлага
16.30-17.00 Шинэ номын танилцуулга
17.00-17.30 Хөгжөөнт тоглоом
17.30 -18.00 Хаалтын арга хэмжээ Улаанбаатар чуулгын урлагийн тоглолт
10.00 -20.00 Номын хямдралтай худалдаа явагдсаар байна

09.00 цагт: Нийслэл агаарын бохирдлыг бууруулах чиглэлээр мэргэжлийн байгууллагуудтай зөвлөлдөх уулзалт Цэнгэг усны нөөц, байгаль хамгаалах төвд болно. Утас: 99071382 , 88134454

09.00 цагт: “Шударга Өрсөлдөөн Хэрэглэгчийн Төлөө Газрын Хөгжлийн чиг хандлага” сэдэвт нээлттэй хэлэлцүүлэг Монголын Худалдаа Аж Үйлдвэрийн Танхимын хурлын зааланд болно.

10.00 цагт: Дэлхийн хэмжил зүйн өдөрт зориулсан “Динамик ертөнц дэх хэмжил” сэдэвт семинар Жуковын музейн хойд талд “Park hotel” 2 давхарт хурлын танхимд болно. Утас: 99650498

10.00 цагт: “Нарны будаа” үйлдвэрийн газарт цагаан будаа импортлогч аж ахуй нэгжүүдэд хүнсний аюулгүй байдал хорио цээрийн дэглэмийг мөрдүүлэх зорилгоор импортоор оруулж ирсэн хальсалсан цагаан будааг өнгөлж, цайруулах савлах, үйл ажиллагаатай танилцуулах үзүүлэх сургалт зохион байгуулна. Утас: 99177662

10.00 цагт: Нийслэлийн Засаг даргын санаачилгаар “Найрсаг Улаанбаатар” хөтөлбөрийн хүрээнд 4 дэх жилдээ зохион байгуулж байгаа ”Монгол цэргийн жавхаа-2016’’ уралдааны хоёрдугаар шатны шалгаруулалт Батлан Хамгаалахын Их Сургууль дээр болно. Утас: 99077535

10.00 цагт: Хил хамгаалах байгууллагаас МҮОХ-той хамтран олимпийг сурталчилах зорилгоор өрнүүлж байгаа “Олимпийн бамбар дархан хилд” аяны бамбарыг МҮОХ-онд хүлээлгэн өгөх арга хэмжээ болно. Утас: 99043990, 88200369, 99911171

10.00 цагт: НМХГ-ын хурлын танхимд хүнсний бүтээгдэхүүн импортлогч 50 гаруй аж ахуйн төлөөлөлүүдийг оролцуулан ЭМСЯ, НЭМХ, ШУТИС-ийн багш, мэргэжилтнүүдтэй хамтран, Монгол улсад транс тосны хэрэглээ, импортын талаар хэлэлцүүлэг хийнэ. УБ хотын гүний гаалийн хяналтын бүсээр 2016 оны эхний 1 дүгээр улирлын байдлаар транс тос агуулсан бүтээгдэхүүн хэр хэмжээтэй орж ирсэн, хэрэглээг бууруулах талаар ямар бодлого боловсруулж байгаа талаар мэргэжилтнүүдээс мэдээлэл авах боломжтой. Утас: 91887887

10.00 цагт: “Миний гэр ЭКСПО 2016” Барилга, орон сууцны тохижолтын үзэсгэлэнгийн нээлт “Хүннү Молл”-д болно. Утас: 94358787, 99683153, 88150476, 99935400

10.00 цагт: Нийслэлийн Засаг даргын орлогч Ц.Энхцэнгэл 2015 оноос ҮЭ-ийн дотоод үйл ажиллагаанд оролцож, гишүүдийн татварыг зогсоогоод байгаа болон шүүхийн шийдвэр Ц.Энхцэнгэлийг ҮЭ-ийн дотоод хэрэгт оролцсон хэмээн тогтоогоод байгаа гэх асуудлаар МҮЭХ-ны төв байранд мэдээлэл хийнэ. Утас: 99027019

10.00 цагт: Нийслэлийн Соёл урлагийн газраас автомат тоглоомын газрын зөвшөөрлийг хүчингүй болгосонтой холбогдуулан Баянгол дүүрэг дэх Цагдаагийн нэгдүгээр хэлтэс мэдээлэл хийнэ. Утас:99633381

10.30 цагт: Төв аймгийн Алтанбулаг сумын 2 дугаар багийн нутаг Булгын тохой гэх газраас 2016 оны 4 дүгээр сарын 28-ны өдөр хэн болох нь тодорхойгүй шатсан хүний цогцос олдож, Мөрдөн байцаах газар, Төв аймгийн цагдаагийн газрын хамтарсан ажлын хэсэг хохирогчийг хэн болохыг тогтоох, хэрэг учралын газарт цогцсыг хэзээ авчирч шатаасан болохыг тогтоохоор ажилласан болон мөрдөн байцаалтын явцад цогцосны зарим онцлог содон шинж тэмдгийг тогтоосо талаар мэдээлэл хийнэ. Хэвлэлийн хурал Улаанбаатар хотын цагдаагийн газрын 108 тоот өрөөнд болно.

11.00 цагт: Төрийн ордон “Г” танхимд УИХ дахь эмэгтэй гишүүд, Хууль зүйн байнгын хорооны дарга Д.Ганбат нар Гэр бүлийн хүчирхийлэлтэй тэмцэх тухай хуулийн шинэчилсэн найруулга батлагдсантай холбогдуулан хэвлэлийн бага хурал хийнэ. Утас: 88084368, 99085084

11.00 цагт: Хөдөлмөрийн сайд Г.Баярсайхан энэ сарын 16-17-нд Япон улсад ажлын айлчлал хийгээд ирсэн талаар тус яамны хурлын танхимд мэдээлэл хийхээр боллоо. Утас: 91915340

11.00 цагт: Монгол Улсын Зэвсэгт хүчин нь Номхон далай дахь АНУ-ын Зэвсэгт хүчинтэй хамтран 47 орны 2000 гаруй цэргийн алба хаагчдыг хамрах “Хааны эрэлд” энхийг дэмжих ажиллагааны сургалтын талаарх хэвлэлийн бага хурал Зэвсэгт хүчний Жанжин штаб дээр болно. Утас: 70152430, 99121609, 99121715, 266914, 99795099

11.00 цагт: Улаанбаатар хотын цагдаагийн газрын Сургалтын төвийн Нарстай ам дахь хээрийн сургалтын хэсэгт “Цагдаа-95” буухиа тэмцээн болно. Жич: 08.30 цагт Улаанбаатар хотын цагдаагийн газраас хээрийн сургалтын хэсэг рүү автобус явна. Утас: 70111716, 99996206

11.40 цагт: Улаанбаатар хотын Цагдаагийн газрын 90, Ахмадын холбоо үүсч хөгжсөний 50 жилийн түүхт ойг угтан зохион байгуулж байгаа “Бахархалын өдөр” өдөрлөг Үндэсний цэцэрлэгт хүрээлэнгийн “Цагдаа” цогцолборт болно.

12.00 цагт: Хатан Туулаа хамгаалах Үндэсний хөдөлгөөнийхөнтэй хамтран Туул голын эрэг дагуух хог цэвэрлэх арга хэмжээний нээлт АПУ ХХК-ийн байранд болно.

12.00 цагт: Монголын үндэсний кино урлагийн академиас Академийн дээд шагнал гардуулах ёслолын талаар “Зууны мэдээ” сонины Үндэсний мэдээллийн төвд мэдээлэл хийнэ.

12.00 цагт: Хэвлэлийн Хүрээлэнд ОХУ-Монгол улсын дипломат харилцаа тогтоосны 95 жил, ОШУСТөвийн 40 жилийн ойтой холбогдуулан ОХУ-аас Монол улсад суугаа элчин сайдын яамны зөвлөх Михайлов Евгений, ахлах реферант, орчуулагч Зимирёв Владимир нар мэдээлэл хийнэ.

12.00 цагт: Цахим ертөнцөд нэгдсэн эх оронч залуучуудын “Дархан Монгол нэгдэл”-ээс “Монгол Ньюс” Мэдээллийн төвд хэвлэлийн бага хурал зарлалаа. Тэднийг “1072 ширхэг хувьцаа худалдаж авна” гэж цуурхал тараасан хэмээн хэвлэл мэдээллийн хэрэгслээр зохион байгуулалттайгаар гүтгэж байгаа аж.

12.00 цагт: “Сайдын цаг” уулзалт Төрийн ордон дахь Засгийн газрын мэдээллийн танхимд болно. Тус уулзалтад Хууль зүйн сайд Дорлигжав оролцоно.

12.30 цагт: Ухаа худаг-Гашуун Сухайт чиглэлийн 267 км төмөр замын бүтээн байгуулалтад оролцсон үндэсний 13 компани санхүүжилтээ авч чадахгүй өнөөг хүрсэн нь эдгээр компаниудыг дампуурхад хүргэж байгаа талаар “Монгол Ньюс” Мэдээллийн төвд мэдээлэл хийнэ.

14.00 цагт: Европын аюулгүй байдал, хамтын ажиллагааны байгууллага, Ардчилсан Институт, Хүний Эрхийн Байгууллагаас (АИХЭБ) томилогдсон Сонгуулийг ажиглах түр хороо нь 2016 оны 5 дугаар сарын 19-нд Улаанбаатар хотноо албан ёсоор үйл ажиллагаагаа эхэлсэн талаар мэдээлэл өгөхөөр Чингис Хаан зочид буудлын Хаан танхимд хэвлэлийн бага хурал зарлалаа. Утас: 99400798

Анагаах ухааны дээд сургуулийн эмчилгээний болон нэгдсэн факультетийн нэгийн тав, зургаад 1966 онд элсэн орж 1971 онд төгссөн ангийнхнаас түмний танил олон хүн төрөн гарчээ. Тухайлбал, академич, Монгол Улсын гавьяат эмч, Эрүүл мэндийн сайд асан, вирус судлаач, профессор Пагважавын Нямдаваа байна. Нямдаваа Анагаахын дээдээ төгсөөд сургуульдаа багшаар үлдэж, улмаар Германы Берлин хотын Хумбольдтын нэрэмжит их сургуулийн аспирантур, ОХУ-ын Д.Ивановскийн нэрэмжит вирус судлалын хүрээлэнгийн эчнээ докторантын ангийг төгссөн нэгэн. Сэлэнгэ аймгийн Баруунбүрэн сумын уугуул эл эрхэм оюутан байхын эрдэмд шамдсан, толгой сайтай хүүхэд байсан гэж ангийнхан нь ярьж байна. Тэр Анагаахын дунд сургуулийг Сүхбаатарын цалинтай төгсөж ирсэн гавал амьтан байж.

Эдний ангийнхан бол төгсөөд дөчин таван жил болж байгаа Монголын эрүүлийг хамгаалахын салбарын хөгжилд үнэлж баршгүй хувь нэмрээ оруулсан хүмүүс аж. Далаад оны эхээр эмчийн диплом өвөрлөн төгсөнө гэдэг үнэхээр нэр хүндтэй, соёлч, боловсролтой сэхээтэнд тооцогддог, ажлын байр бэв бэлэн байдаг үе байж. Хөгжмийн зохиолч Норсонжавын охин Н.Оюуны хувьд Улсын клиникийн нэгдүгээр эмнэлэгт дүн бүртгэлийн их эмчээр ажиллажээ. Сүхбаатар аймгаас ирсэн Э.Үржинбадам Цэргийн госпиталийн лабораторийн эмчээр олон жил ажиллаж хурандаа цолоор энгэрээ мялаажээ. Махранзын Шүрэнцэцэг бол Баянхонгор аймгийн Заг сумын уугуул охин байж.

Тэрээр “Жанчивлан”, “Оргил” рашаан сувилалд лабораторийн эмчээс ажлын гараагаа эхэлж, эрхлэгч болсон төдийгүй Улсын эм хангамжийн үйлдвэрийн газарт цус, био бэлдмэл хариуцсан байцаагч их эмч, Цус сэлбэлт судлалын үндэсний төвийн захирлын алба хашсан байдаг. Дөнгөж оюутан болцгоосны анхны намар эл ангийнхан Сэлэнгэ аймгийн Номгоны сангийн аж ахуйн үтрэм дээр тариа хураалтад гарахад Шүрэнцэцэгийг гэнэт хотоос дууджээ. Ар гэрийнхэндээ санаа зовон зовон хүрч ирвэл их, дээд сургуулиудын сагсан бөмбөгийн аварга шалгаруулах тэмцээнд оруулах бэлтгэл хийлгэхээр Лувсандаш багш нь дуудсан байжээ. Учир нь Шүрэнцэцэг дунд сургуульд байхдаа “Алдар” нийгэмлэгийн шигшээд тоглодог байсныг нь дунд сургуулийн хувийн хэргээс нь харж чухамдаа шижир олсны дайтай баярласан хэрэг аж.

Дархан оточ овогт Намралын Төмөрбаатараа ангийнхан нь өнөө ч гэгээн сайхнаар нь дурссаар. Дээд сургуулиа төгсөөд л Улсын клиникийн төв эмнэлгийн мэдрэлийн тасгийн эмчээр ажилласан байдаг. АУИС-ийн тэнхимд багшилж, хичээл ангийн эрхлэгчээр дэвшин ажиллаж байсан Монголын уламжлалт анагаах ухааны анхны эмнэлгийг үндэслэн байгуулагч нэрт эрдэмтэн, Эрүүлийг хамгаалахын тэргүүний ажилтан, хүний гавьяат эмч тэрээр 2011 онд бурхан болжээ. Эдний ангид А.Ф.Шаповалов хэмээх орос, А.Марта гэдэг хасаг охин, буриад Б.Цэрэндорж нар суралцдаг нэг ёсны их интернационолч хамт олон байсан гэнэ. Хоёр группийн хориод нөхдөөс Монгол Улсын хүний гавьяат эмч П.Нямдаваа, Н.Төмөрбаатар, Увс аймгийн уугуул С.Ган-Очир, Дэжээхүү, Монгол Улсын соёлын гавьяат зүтгэлтэн Санжаажавын Оюун нарын таван гавьяат төрсөн түүхтэй.

Эмч-зохиолч С.Оюуныг манай уншигчид “Тан руу нүүж явна” уран сайхны кино, “Хорвоод ганцхан ээждээ”, “Үнсье чамайгаа”, “Хулжийн цэнхэр гол”, “Санана даа” зэрэг олон сайхан дуугаар нь мэднэ. Булган аймгийн Могод сумын уугуул эл эрхэм ангийнхныхаа тухай “Алтан чагнуур” хэмээх номыг төгсөлтийнхөө дөчин жилийн ойгоор хэвлүүлсэн аж. Эмч хэмээх эрхэм алдрын эздийн дундаас дөрвөн ч эмэгтэй хурандаа төрсөн байдаг. Тэдний нэг нь Нийгмийг аюулаас хамгаалах яамны дотрын, мэдрэлийн эмчээр, Хорихын нэгдсэн эмнэлэгт эмчилгээ эрхэлсэн орлогч даргаар ажиллаж байсан дэд хурандаа Ишдүвжирийн Дашдулам юм. Долгор эмч бол Халдвартын диспансерын дэд даргаар ажиллаж байсан хүн. А.Марта төгсөөд төрөлх Баян-Өлгий аймгийнхаа нэгдсэн эмнэлэгт хүүхдийн эмчээр ажилласан байдаг. Мөнхцэцэг Шастины нэрэмжит гуравдугаар эмнэлэгт чих, хамар, хоолойн эмчээр ажилласан бол нөхөр Магсаржав БНМАУ-ын Сайд нарын зөвлөлийн эрүүлийг хамгаалахыг хариуцсан референтээр олон жил ажилласан хариуцлагатай албан тушаалтан юм.

Сайд асан П.Нямдаваа ангийнхаа охин Ж.Оюунбаттай тоонот гэрт толгой холбосон нь цагдаагийн газарт криминалистикийн эмчээр насаараа ажилласан дэд хурандаа болжээ. Тэрээр эдүгээ “Гялс” анагаах ухааны төвийн захирлаар ажиллаж буй аж. Ангийн охин Зулаа нь арьс өнгөний эмч. Цогзолмаа Халдвартын эмч. П.Нямдаваа сайдаар ажиллах үедээ ангийнхаа Цоомойн Халтар эмчийг яамныхаа Төрийн нарийн бичгийн даргаар томилон ажиллуулж байжээ. Халтар эмч Төв аймгийн Нэгдсэн эмнэлгийн ерөнхий эмчээр ажиллаж байсан нэр хүндтэй хүн учраас эрүүл мэндийн салбараа чухам гарын хуруу шигээ анддаггүй байсан гэдэг. Тиймээс ч Сүхбаатар аймгийн Халзан сумын уугуул эл эрхэм Монгол-Германы Засгийн газрын хамтарсан эрүүл мэндийн төсөлд амьдралынхаа арваад жилийг зориулжээ.

Нэрт яруу найрагч Тоомойн Очирхүү нэгийн нэгт буюу под группт суралцаж байж. Намрын ажилд явах үед хөгжмийн зохиолч “хуруу” хэмээх Баатартай хамтран ангийнхаа найрагчийн зохиосон

“Эрдэм номын ширээнээ

Тохой залгаж суусан

Ээжийн хоёр хүү шиг

Тоглон наадан өнгөрөөсөн

Оюутан ахуй цагаа

Эргээд чи минь дурсана уу

Олон хаврын өдрүүдээ

Сэргээж нэг санана уу” гэсэн үгтэй “Оюутан цагаа дурсана уу” хэмээх алдарт дуугаар гангарч, залуу насаараа чимж явснаа өнөө ч тэд мартаагүй. Охид нь хөнжлөөрөө хөлөө хучиж суучихаад дуулцгаах. Энэ дуу эдүгээ ЭМШУИС-ийн тэнд хөшөөнд мөнхөрчээ.

Улсын арслан Дагвасүрэн гуай эдний факультетэд суралцаж байжээ. П.Нямдаваа, С.Оюун нар АУДС-ийн Эвлэлийн хорооны гишүүд. Тэд гэр бүлийн асуудалтай оюутнуудыг авч хэлэлцдэг мундаг эрх мэдэлтэй байсан гэж байгаа. Сургуулийнхаа “Алтан чагнуур” хэмээх ханын сонинг ватум цаасан дээр хийнэ. Харин тухайн үеийн Анагаахын дээдийн утга зохиолын дугуйлангийн эрхлэгч нь хожим УИХ-ын гишүүн байсан Г.Зуунай байсан бол дугуйлангийн багш нар нь төрийн шагналт яруу найрагч Долгорын Нямаа, нэрт зохиолч Пэрэнлэйн Лувсанцэрэн нар байсан гэдэг.

Энд нэг хөгжилтэй зүйл дурсахад архины хориотой жил Нямдаваагийнхаа гавьяат цолны найранд уригдахдаа ангийнхан нь бэлгэн дээр нэг алтан шар “Чингис”-тэй очихдоо “Өрөөлөөс худалдаж аваагүй, өөрт байснаа л авчирлаа шүү” гэж гардуулахад УИХ-ын гишүүн Ц.Нямдорж “Танай ангийнхан хуулийн цоорхой ашиглаж байх шив” гэж дооглож байжээ. Харамсалтай нь тэр архи ангийнханд нь ноогдолгүй, томчуулын ширээ хавьцаа шингээд алга болчихсон гэж тэд инээлдэцгээж байсан. Гэмтлийн сайн мэс засалч Ч.Батнасанг дурдахгүй бол алдас болно. Нүүрэндээ унаган туурайн тамгатай Зэдбазар ч аймгаараа овоглосон мундаг эмч хүн. Одоогоос дөчин таван жилийн тэртээ Анагаах ухааны дээд сургуулийг дүүргэсэн энэ л ангийнхан хүн ардынхаа эрүүл мэндийн манаанд зогсохдоо зогсож, соён гэгээрүүлж ирсэн бахархам түүхтэй хамт олон ажгу.

Эх сурвалж: Өдрийн сонин