Төр Төмбөгөр
“Тусгаар тогтнол, эв нэгдлийн нам” хэмээх нэртэй Женко Баттулга тэргүүтэй нам гараад ирлээ. Хамгийн аймар нь энэ намд хорвоогийн хамаг бүтэхгүй нөхдийг түүгээд, цуглуулсан байна. Кёкшюзан Д.Батбаяр, дуучин Нара, Гал үндэстэн холбооны Ц.Мөнхбаяр, Цэнхэр үст Цэрэн, УИХ-ын гишүүн Г.Уянга зэрэг хэн нэгнийг буруутган, ямар ч хамаагүй аргаар бусдад танигдсан Х.Баттулгыг даган баясагчид голдуу байх юм. Мөн твиттерийн хатан гэгдээд алга болсон А.Уянга, дуучин Ноён Бондгор, А.Сүхбат аварга болон Чингис хаан акдемийн тэргүүн П.Давааням гэх хагас галзуу нөхөр хүртэл орсон байгаагаас харахад дээрх хүмүүс улстөрийг амьдрал ахуйгаа сайжруулах тоглоом гэж ойлгожээ. Энэхүү түүвэр нөхдийн нам гараад ирвэл хэн дэмжих бол. Итгэл хүлээлгэчих арай өөр улстөрч, эсвэл хэн нэгэн нам энэ Монгол улсад чинь алга уу. Ухаантнууд нь улстөрөөс зугтааж, тэнэгүүд нь улстөрд зүтгэдэг он жилүүд иржээ. Тусгаар тогтнол, Эв нэгдлийн нам нь дөрвөн жилийн өмнө байгууллагдсан бөгөөд ийнхүү сонгуулийн өмнө нийтэд ил болж байгаа аж. Тэгэхээр гологдлыг цуглуулсан мэт дээрх хүмүүсийг Х.Баттуллга эртнээс бэлдэж байсан байж таарах нь.
Н.Чимэг
