Шадар сайд Ц.Оюунбаатар МАХН-ын дарга Н.Энхбаярыг өршөөхгүй гэж санал өглөө

Өчигдөр Хууль зүйн байнгын хороогоор Өршөөлийн хуульд нэмэлт өөрчлөлт оруулах асуудлыг хэлэлцсэн. Өмнө энэ асуудлыг ээлжит бус чуулганаар хэлэлцэх гээд ирц хүрээгүй тул хойшлоод байсан юм. Өчигдрийн Хууль зүйн байнгын хороогоор ажлын хэсэг Н.Энхбаярыг дахин өршөөх төсөл оруулж ирсэн. Гэтэл УИХ-ын гишүүн Ц.Оюунбаатар Н.Энхбаярыг өршөөхгүй гэж санал өгсөн нь олны анхаарлыг ихээхэн татав. Тэрбээр “Байнгын хорооны дарга хурлаа зөв явуулж чадахгүй байна. Хүн будилах байдлаар санал хураалгасан” гэж баахан хэрүүл хийгээд гарч одсон юм. Тэгвэл зарим хүмүүс Ц.Оюунбаатар Шадар сайд болоод Н.Энхбаяр даргыгаа өршөөхгүй гэж санал өглөө хэмээн дүгнэж байна.

Г.Лхагва