Төр Төмбөгөр
Испанийн хөлбөмбөгийн “Барселона” багийн довтлогч Педро саяхан гэрээгээ сунгасан хэдий ч багаа энэ зун юм уу ирэх оны эхээр орхиж магадгүй гэнэ.Эх сурвалжийн өгүүлж байгаагаар бол 27 настай испани тоглогч сандлын манаач хийхээс залхаж гүйцжээ. Педро ирэх улиралд талбай дээр гарах магадлал тун бага байгаа юм.
Өдгөө үндсэн бүрэлдэхүүнд багтан талбай дээр гарч байгаа гурвалаас хэн нэг нь бэртэл авахгүй бол Педро нөөц тоглогчдын суудалд суусан хэвээр байх аж.
Саяхан тэрбээр гэрээгээ 2019 он хүртэл сунгасан билээ. Гэвч түүнд тоглох боломж бараг олдохгүйг тэрбээр ойлгожээ. Педрог “Арсенал”, “Ливерпүүл”, “ПСЖ”, “Чэлси” багууд сонирхож байгаа юм.
Эх сурвалж www.wikimon.mn
