Төр Төмбөгөр
Австрийн Зальцбург хотод хууль ёсны дагуу үйл ажиллагаа явуулдаг чамгүй алдартай нэгэн янхны газрын эзэн Герман Мюллер өөрийн үйлчлүүлэгчдэд зориулж тусгай үйлчилгээ санал болгож байгаагаа зарлав. Хүссэн хүн бүр тус газрын ажилтан бүсгүйчүүдийн үйлчилгээг үнэгүй авч болно.Мөн үйлчлүүлэгчид захиалсан уух юмныхаа төлбөрийг төлөхгүй байж болно. Мюллер дэндүү шударга бус татвар ногдуулалтыг эсэргүүцэж ийм алхам хийхээр шийджээ.
“Би татварын албаны шударга бус ногдуулалтын боол болж залхлаа. Сүүлийн 10 жилийн хугацаанд би татварт тав орчим сая евро төлсөн. Асуудал нь үүндээ биш. Татварын алба улам ихийг авахыг хүсэж байна. Тэгсэн мөртлөө тэд хууль бус янхны газрууд, гудамжны биеэ үнэлэлттэй ерөөсөө тэмцэхгүй юм” хэмээн Мюллер мэдэгджээ.
Түүний эхлүүлсэн эсэргүүцлийн үйл ажиллагаа зургаадугаар сарын 01-нд гараагаа авч 4-8 долоо хоног үргэлжлэхээр болов. Ингэхдээ Мюллер ажилчин хүүхнүүдийнхээ цалинг өөрөөсөө өгч байгаа гэнэ.
Мюллерын янхны газар үнэгүй үйлчилж байгаа гэх мэдээ өвсөнд тавьсан түймэр шиг дүрэлзэж, өдгөө түүний ажлын үүдэнд үйлчлүүлэгчдийн урт дараалал үүсчээ. Эх сурвалж www.wikimon.mn
