Газар шорооныхоо төлөө тэмцсэн Ц.Мөнхбаярт уучлал үзүүлж болохгүй юмуу ЕРӨНХИЙЛӨГЧӨӨ

                                                                                                                                                                                                                                                                                                                                                                                                                                                                                                                                                                                                                                                                                                                                                                   Ерөнхийлөгч Ц.Элбэгдорж өнгөрсөн хоёрдугаар сард зарим ял эдэлж буй хүмүүст өршөөл үзүүлж сулласан билээ. Эд дундаас татвар төлөхөөс зайлсхийсэн хэргээр ял сонсож манай улсад хэдэн тэрбумаар хохирол учруулсан АНУ-ын иргэн Жастин Капла,  Бүгд найрамдах Филиппин улсын иргэн Кристобал Ж.Дэвид, Хилармон В.Кажуком ЖР нар юм.

Мөн хоёр хүний эрдэнэт амийг хөнөөж олон хүүхдүүдийг өнчрүүлсэн Л.Бямбасүрэнд ч уучлал үзүүлж шоронгоос сулласан. Харин энэхүү шийдвэрт зарим иргэд шүүмжлэлтэй хандаж улс орныхоо хуулийг уландаа гишгэлээ хэмээн үзэж буй. Монгол улсад их хэмжээний хохирол учруулсан гадаадын иргэдийг зүгээр уучилж өршөөж болж байгаа юм чинь газар шорооныхоо төлөө тэмцсэн иргэндээ уучлал үзүүлж болох юм шиг ээ…

“Гал үндэстэн” холбооны тэргүүн Ц.Мөнхбаяр “урт нэртэй хууль”-ийн журамд өөрчлөлт оруулахыг эсэргүүцэж, Төрийн ордны хамгаалалын бүсэд галт зэвсэг хэрэглэсэн хэмээн хуулийн байгууллагаас 21 жилийн ял сонссон. Гэхдээ Ц.Мөнхбаяр хэнд ч хохирол учруулж, хэдэн тэрбумаар нь идэж уугаагүй. Тэр зөвхөн улс эх орныхоо төлөө, газар шорооныхоо төлөө тэмцсэн, эх оронч юм.

Тиймээс иргэд түүнийг зөв зүйлийнхээ төлөө тэмцсэн, эсэргүүцлийн аргаа буруу илэрхийлсэн ч 21 жилийн ял дэндүү хүндэтсэн хэмээн өмөөрөч байсан. Тиймээс Дээд шүүхээс долоон жил болгон хөнгөрүүлээд байгаа. Ц.Мөнхбаяр өдгөө хоригдоод жил болж байгаа бөгөөд түүнийг суллахыг хүссэн олон мянган иргэд яаж ч тэмцээд тусыг эс олов.

Гэвч манай оронд хэдэн тэрбумаар хохирол учруулж, татвар төлөхөөс зайлсхийсэн гадны иргэдийг ерөнхийлөгч “зүгээр” л өршөөсөн. Адаглаад татварт төлөгдөх ёстой татвараа авалгүй өршөөсөн. Ингээд гадныханийг татвараа төлөөгүй гээд уучилж, өршөөгөөд байвал цаашид ч улам даварч ёстой л “хууль нь гууль” болох вий. Гэтэл газар шорооныхоо төлөө ар гэрээ золиослон байж тэмцсэн эх орончдыгоо уучлахгүй зүгээр шоронд хатаах гэж үү. Тэд эх орныхоо төлөө тэмцсэн, бухимдсан, уйлсан, зүтгэсэн, ядарсан энгийн л нэг Монгол улсын иргэн шүү дээ.

Монгол улсын Ерөнхийлөгч та хоёр хүний аминд хүрсэн Л.Бямбасүрэн, эх оронд минь хэдэн тэрбумын хохирол учруулсан гадны иргэд Жастин Капла нарыг “зүгээр л” өршөөсөн шиг хэнд ч гэм хохирол учруулаагүй “Гал үндэстэн” холбооны тэргүүн Ц.Мөнхбаярыг өршөөгөөч…

Эх сурвалж: www.shuurhai.mn