Төр Төмбөгөр
Египетийн нийслэл Каир хотноо хөлбөмбөгийн “Zamalek” багийн дэмжигчид цагдаагийнхантай мөргөлдөх үеэр 25 хүн амиа алдсан талаар “BBC” агентлаг мэдээллээ.
Жагсагчдын хэлснээр цагдаа нар галт зэвсэг хэрэглэсэн гэв. Тус улсын Ерөнхийлөгч Абдул Фаттах аль Сиси дээрх үйл явдлын дараа нийслэл хотдоо хөл хорио тогтоож, “Zamalek” багийг ямар нэгэн тэмцээн уралдаанд оролцохыг нь хоригложээ.
Цагдаагийн газраас ““Zamalek” багийн дэмжигчид билетгүй цэнгэлдэхэд орохыг завдаж байна гэх дуудлагын дагуу бид очсон. Тэд ямар ч тайлбар хийхгүйгээр бидний урдаас чулуу болон гар аргаар бэлдсэн тэсрэх бодис шидэж танхайрсан. Мөн хэд хэдэн автомашин шатаасан. Бид үүргийнхээ дагуу ажилласан” гэсэн байна.
Мөн 2012 оны хоёрдугаар сард тус багийн фанатууд цагдаагийнхантай мөргөлдөж, 70 хүн амиа алдаж байжээ.
О.Мөнхдуулга
