Иргэд амралтын өдрүүдэд ч автомашины улсын дугаар авах боломжтой

Иргэд амралтын өдрүүдэд ч автомашины улсын дугаар авах боломжтой
Автотээврийн үндэсний төв тээврийн хэрэгслийн техникийн хяналтын үзлэгийг ажлын болон амралтын өдрүүдэд уртасгасан цагаар явуулдаг. Ингэснээр автомашинаа техникийн хяналтад оруулах гэсэн иргэдийн дараалал буураад байгаа. Тэгвэл Автотээврийн үндэсний төв “Автотээврийн хэрэгслийг шинээр бүртгэх, шилжилт хөдөлгөөний өөрчлөлтийн бүртгэл”-ийг амралтын өдрүүдэд явуулахаар болжээ. Эхний ээлжинд тус төвийн “Баянгол” автотээврийн хэрэгслийн техникийн хяналтын үзлэгийн салбар төвийн байранд энэ сарын 7-ны өдрөөс эхлэн бямба, бям гаригт 09.00-18.00 цагийн хооронд, ажлын өдрүүдэд 08.00-18.00 цагт ажиллах юм байна. Даваагаас ням гариг хүртэл тус төвийнхөн ийнхүү ажлын долоо хоногоор ажиллаж эхэллээ. Ингэснээр шинээр автомашин худалдан авсан иргэд болоод бусдад тээврийн хэрэгслээ шилжүүлж байгаа иргэн амралтын өдөр ч ажлаа амжуулж болно гэсэн үг.
М.ӨЛЗИЙ

Эх сурвалж: www.info.mn