Төр Төмбөгөр
Сар шинийн баярын өдрүүд дөхөж байгаа учраас Нийслэл Улаанбаатар хотын замын ачаалал томоохон худалдааны төв болон зах орчмын хөдөлгөөн ихэсдэг. Улмаар иргэдийг цаг зав, эдийн засгаар нь хохироох тохиолдол маш их байдаг. Тиймээс Нийслэл Улаанбаатар хотын Засаг даргын 2015-01-28-ны өдрийн А-74 тоот захирамж гарч, өмнөх жилд хэрэгжүүлж байсан улсын дугаарын сүүлийн цифрийн тэгш, сондгойгоор бямба, ням гаригуудад хөдөлгөөнд оролцуулахаар боллоо. Энэ талаар өнөөдөр замын цагдаагийн газраас сэтгүүлчдэд мэдээлэл хийсэн юм.
– Авто машины улсын дугаарын сүүлийн орон тэгш тоогоор төгссөн бол 2015 оны 1 дүгээр сарын 31, 2 дугаар сарын 07, 14-ний “Бямба” гарагуудад
-Авто машины улсын дугаарын сүүлийн орон сондгой тоогоор төгссөн бол 2015 оны 2 дугаар сарын 01, 08, 15-ны “Ням” гарагуудад өглөөний 10.00 цагаас 20.00 цагийн хооронд авто замын хөдөлгөөнд оролцоно.
-“Сар шинэ”-ийн баяр болж байгаатай холбогдуулан одоо мөрдөгдөж байгаа дугаарын хязгаарлалтын бүсэд оруулсан өөрчлөлт бол СХД-ийн нутаг Энхтайваны өргөн чөлөөнд буюу Сапарогийн уулзвараас 5 шарын уулзвар хүртэлх замыг дугаарын хязгаарлалтанд оруулж байна.
-Чингэлтэй дүүргийн нутаг Дэнжийн 1000-ын авто замын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд ,үерийн далангаас зүүн тийш “Судалт төв”-ийн уулзвар хүртэлх авто замын хөдөлгөөнийг баруунаас зүүн чиглэлд өглөөний 08.00 цагаас оройн 17.00 цаг хүртэл нэг чигийн хөдөлгөөнд оруулж замын хөдөлгөөнийг зохион байгуулахаар болсон.
Эх сурвалж: www.goodnews.mn
