Төр ТөмбөгөрЗасгийн газрын тохируулагч агентлаг – Харилцаа холбоо, мэдээллийн технологийн газраас 13 дахь жилдээ зохион байгуулж буй “ICT EXPO” үзэсгэлэнд Автотээврийн үндэсний төв ТӨҮГ “ШИЛДЭГ ИННОВАЦИ НЭВТРҮҮЛЭГЧ ТӨРИЙН БАЙГУУЛЛАГА”-аар шалгарлаа.
“Дижитал хөгжилд хамтдаа” уриан дор зохион байгуулагдсан тус арга хэмжээнд төрийн болон хувийн хэвшлийн 40 гаруй байгууллагa оролцож, харилцаа холбоо, мэдээллийн технологийн дэвшил, шинэ бүтээгдэхүүн, үйлчилгээг олон нийтэд танилцуулж, шилдгүүдээ шалгаруулав.
Энэхүү үзэсгэлэнд Шилдгийн шилдэг оролцогч, Шилдэг технологи шийдэл, Шилдэг бүтээгдэхүүн, Шилдэг үйлчилгээ, Шилдэг үндэсний контент, Шилдэг гарааны бизнес – старт-ап, Нийгмийн хариуцлагатай байгууллага, Мэдээлэл, харилцаа холбооны шилдэг судалгаа, Инноваци, технологи нэвтрүүлэгч төрийн байгууллага, Шилдэг зохиомжит талбай гэсэн 10 номинацид шилдгүүдийг шалгаруулсан юм.
Автотээврийн үндэсний төв ТӨҮГ-аас 2019 оныг “Ухаалаг тээврийн хөгжүүлэх жил” болгон зарласантай холбогдуулан олон нийтэд ил тод, нээлттэй, түргэн шуурхай, хүртээмжтэй үйлчилгээг хүргэх үүднээс цахим программуудыг шат дараатайгаар нэвтрүүлээд байгаа юм. Тухайлбал, “Тээврийн нэгдсэн систем” цахим программ, тасалбар борлуулах цахим программ, гар утасны аппликэйшн, гэрээт тээврийн ажилтнуудад зориулсан Зорчигч тээврийн бүртгэлийн систем /TTS программ/-ийн гар утасны хувилбарыг нэвтрүүлсэнээс гадна улс, хот хоорондын нийтийн тээврийн хэрэгслийн жолооч тээвэрлэлтийн аюулгүй байдлыг хэрхэн хангаж замын хөдөлгөөнд оролцож буйд хяналт тавих, зорчигч тээврийн үйлчилгээний талаарх санал, гомдлыг 24 цагийн турш 86021234 дугаарт мессежээр хүлээн авах үйлчилгээ бий болгосон нь олны талархлыг хүлээгээд байгаа аж. Түүнчлэн улс, хот хоорондын зорчигч тээврийн үйлчилгээнд оролцож буй тээврийн хэрэгслийн байршил, тухайн бүс нутгийн цаг агаарын мэдээллийг иргэд, зорчигчид байгууллагынwww.transdep.mn/gps цахим хуудсанд зочилж харах боломжийг бүрдүүлжээ.
Мөн хот хоорондын ачаа тээврийн үйлчилгээг шуурхай, хүртээмжтэй, хямд хүргэх боломжийг бүрдүүлэх, ачаа, барааг цахим хэлбэрээр захиалах, хүлээж авах, бүртгэлжүүлэх, нэгдсэн зохион байгуулалтад оруулах зорилгоор “Ворлд инновэшн” ХХК-тай хамтран “Ачаа тээврийн цахим систем”-ийг нэвтрүүлэхээр ажиллаж байгаа аж.
Мундаг хамт олон байна. Ард иргэдэд үйлчилгээгээ өргөн хүрээнд, хүртээмжтэй хүргэж байгаа Автотээврийн хамт олонд ажилд нь амжилт хүсэж цаашид илүү ихийг хийж бүтээхийг хүсэн ерөөе!