Төр Төмбөгөр |
Монголын Үндэсний олон нийтийн радио, телевизийн захирал М.Наранбаатар Олон нийтийн телевизийн захирал Д.Энхтуяа, дэд захирал Ё.Батбаяр нарыг ажлаас нь халсан билээ. Тэрбээр хөдөлмөрийн гэрээг цуцлах тухай тушаалдаа Д.Энхтуяаг тус телевизийн алтан фондын хоёр өрөөнд хийсэн засварын ажлын гүйцэтгэл шаардлага хангаагүй байхад хүлээн авсан гэсэн бол дэд захирал Ё.Батбаярыг албан тушаалаа урвуулан ашиглаж хувьдаа ашиглаж байсан техник хэрэгслээ нийлүүлэхийг завдсан гэх үндэслэлийг дурдсан байдаг. Үүнээс нь болж тус телевизийн дотоод асуудал хурцдах болсон юм. Тэгвэл Монголын Үндэсний олон нийтийн телевизийн захирлаар Ц.Лхагвадаш, дэд захирлаар Ч.Батцэнгэл нарыг өчигдөр томилжээ. Дэд захирал болон захирлын сонгон шалгаруулалтад зургаан хүн өрсөлдсөнөөс телевизийн урлагт олон жил ажилласан, дадлага туршлагатай ажлаа мэддэг гэсэн давуу талыг харгалзан дээрх хоёр хүнийг сонгосон байна.
Б.БӨРТЭ
Эх сурвалж http://www.info.mn
