Х.Баттулга, А.Гансүх нарын нэхэмжилсэн тэрбумын хэргийг хэрэгсэхгүй болгожээ.

Монголын төмөр замын төсөл хөтөлбөрүүдээс их хэмжээний мөнгө угааж идсэн хэрэгт холбогдоод байсан Зам тээврийн сайд асан Х.Баттулга А.Гансүх нарт холбогдох хэрэг замхраад алга болсон.

Одоогоос хоёр жилийн өмнө эхэлсэн энэхүү хэргийн талаар өөрсдийгөө өмөөрсөн тэд “Үндэсний шуудан” өдөр тутмын сонины хариуцлагатай нарийн бичгийн дарга, сэтгүүлч С.Ононтуулыг нэр төрд үндэслэлгүйгээр халдаж гүтгэсэн хэмээн захиргааны хэргийн шүүхэд гомдол гаргасан байдаг.

Тухайлбал “Өршөөлийн хуулийн сүүдэрт нуугдсан 960 тэрбум”, “Төмөр замаар туйлсан МоАХ-ын бүлэглэл” гэсэн нийтлэл бичсэнийхээ төлөө шүүхийн хаалга татсан юм.

Тэгвэл Сүхбаатар дүүргийн Иргэний хэргийн анхан шатны шүүхээс энэхүү гомдлыг хэлэлцэж үзээд тэрбум төгрөг нэхэмжилсэн хэргийг хэрэгсэхгүй болгожээ.

Эх Сурвалж: zaluu.com