Төр Төмбөгөр
Сүхбаатар дүүргийн Биеийн тамир спорт хорооноос “Хайрхан уулаа дээдэлье-2016” спорт явган аялалыг энэ сарын 11-нд зохион байгуулах гэж байна. Энэхүү явган аялал нь дүүргийн Засаг даргын мөрийн хөтөлбөрт тусгагдсан биеийн тамир, спортыг хөгжүүлэх зорилтот бодлогын хүрээнд ажилчдынхаа чөлөөт цагийг зөв боловсон өнгөрүүлэх, хөдөлгөөний хомсдлоос урьдчилан сэргийлэх зорилготой юм. Спорт явган аялалд дүүргийн Засаг даргын Тамгын газар болон дэргэдэх хэлтэс, албадын ажилтан, албан хаагчид оролцоно. Аялалын маршрут Улаанбаатар-Манзушир-Цэцээ гүн чиглэлд болох юм.
