Төр Төмбөгөр
Ирц бүрдэхгүйгээс болж хуралдаж чадахгүй өнөөдрийг хүрсэн ээлжит бус чуулган нээлт 52.6 хувийн ирцтэй эхэллээ. Хуралдаанд МАН-ын бүлгийн гишүүд оролцсонгүй. Уг нь тус бүлгийнхэн “Эрх баригчид ирцээ бүрдүүлсэн тохиолдолд чуулганы хуралдаанд суухад бэлэн” хэмээн хэлж байсан билээ. Харин УИХ дахь Ардчилсан намын бүлгээс 34, УИХ-ын гишүүн Д.Тэрбишдагва, Г.Уянга, Л.Цог, С.Дэмбэрэл, Н.Батцэрэг, М.Сономпил, З.Баянсэлэнгэ нар оролцсоноор ирц бүрдэв.
Ээлжит бус чуулганы нээлттэй холбогдуулан УИХ-ын дарга З.Энхболд “Нийгэм эдийн засагтай холбоотой олон чухал хуулиудыг хэлэлцэнэ” гэлээ.
Одоо чуулганаар зарим хуулийн эцсийн найруулгыг сонсож байна. Үүний дараа Үндсэн хуулийн цэцийн дарга Ж.Амарсанааг эгүүлэн татах асуудлыг хэлэлцэх юм.
Т.Энхэлээ
