Төр Төмбөгөр
МАН-ын Шинэчлэлийн хорооны залуус сүүлийн үед өөрийн намын удирдлагуудад хандан 94 жилийн түүхтэй улс төрийн ууган намын хувьд иргэд, сонгогчдын дэмжлэгийг авах санаачлагыг эхлүүлж, “Ил тод, нээлттэй нам” болох зорилт дор намынхаа санхүүжилтийн байдлыг зарлаж, хандив, орлого, зарлагын тайлан, мэдээллийг олон нийтэд ил тод, нээлттэйгээр танилцуулах, МАН-ын III Бага хурлын хуралдааныг яаралтай хуралдуулж, Бага хурлын гишүүдэд өгсөн амлалтын биелэлт болон хамтарсан Засгийн газарт ажиллах хугацаанд гарсан үр дүнг хэлэлцэж, сайд, дэд сайд нарын ажлын тайланг сонсож, улс төрийн дүгнэлт өгөх, нийтэд мэдээлэх, Иргэдийн бухимдлыг төрүүлж байгаа “Эдийн засгийн ил тод байдал”-ын тухай хууль, гэмт этгээдийг өмгөөлсөн “Эрүүгийн хууль”-ийн шинэчилсэн найруулга, “Зөрчлийн тухай хууль” зэрэг нийгэмд хор уршиг бий болгох сөрөг үр дагавартай хуулиудыг батлуулахгүй байх, харин сонгуулийн болон бусад нэн шаардлагатай хуулиудыг батлуулахад чиглэгдсэн ажлуудыг хэрэгжүүлэх зэрэг шаардлагуудыг ойр ойрхон тавиад байгаа билээ.
Тэгвэл өнөөдөр МАН-ын дарга, ерөнхий нарийн бичгийн дарга нар Шинэчлэлийн хорооны залуусаа хүлээн авч уулзсан байна. Тэд хоорондоо ярилцаад учир начраа олцгоов уу, эсвэл намын удирдлагууд нь тэднийг аргадав уу хэмээх таамагт одоогоор хариулахад тодорхойгүй байгаа бололтой.
Б.Номин
