Төр Төмбөгөр
Эдийн засгийн хямрал худалдаачдад илүү их нүүрлэж байгаа талаар худалдагч нар ам уралдан ярьж байна. Сүүлийн хэдэн сар урд хөрш болон хойд хөрш цаашлаад Хонконг, Бээжингээс бэлэн бараагаа татах мөнгөгүй болж, лангуу хоосорч, эзгүйрч байгаа гэнэ. Түрээсийн лангуутай худалдаачид түрээсээ төлж чадахгүйн дээр бараагаа татаж авч чадахгүй болохоор ажлаа хийж чадахгүй байгаагаа учирлав.Хаа хаанаа эдийн засаг хямарсан байгаа бөгөөд “Нарантуул” захын худалдаачид тэр дундаа жижиглэнгийн болон бэлэн хувцасны барааны лангуу хоосорч, худалдан авалт хийх хүмүүс алга байгаа гэнэ. Тус зах дээр өрх толгойлсон эмэгтэйчүүд ихэвчлэн ар гэрээ тэжээж амьдралаа авч явдаг бөгөөд амьдрал үнэндээ хэцүүдсэн өнгө төрхтэй байгаа аж.
Хүнсний бараа, бүтээгдэхүүн зардаг худалдагч нарын гүйлгээ дөнгөн данган гайгүй байгаа бол бэлэн бараа болоод хувцас хунар авдаг хүмүүс бараг байхгүй болсон гэнэ шүү. Эх сурвалж www.wikimon.mn
