Төр Төмбөгөр
Ховд аймгийн Жаргалант суманд үйл ажиллагаа явуулдаг гар утасны дэлгүүрээс 200 гаруй утас алдагдсан хэрэг өнгөрсөн сард гарч, уг хэргийг цагдаагийн байгууллагад бүртгүүлжээ.Уг хэрэг дээр тус аймгийн цагдаагийн газар болон Улаанбаатар хотын цагдаагийн газрын Гэмт хэрэгтэй тэмцэх газрын алба хаагчид шалгалтын ажиллагаа явуулж, хэрэгтнүүдийг цаг алдалгүй илрүүлжээ.
Тодруулбал, Ховд аймгийн харьяат иргэн Б нь бусадтай бүлэглэн энэ гэмт хэргийг үйлдсэн аж. Тэднийг зочид буудалд байрлаж, 20 гаруй утсыг нь худалдаад, мөнгөөр нь “Соната-5” маркийн машин авч унаад явж байхад нь баривчилсан байна. Өдгөө тэдэнд эрүүгийн хэрэг үүсгэн шалгаж эхэлжээ.
Эх сурвалж www.wikimon.mn
