Төр Төмбөгөр
Жил бүрийн “Эх үрсийн баяр” багачуудын хүсэн хүлээдэг өдөр байдаг бол эцэг, эхчүүдийн хувьд хүүхдүүддээ тоглоомон дээр тоглуулахын тулд урт дараалалд зогсож, уур унтууцал, цаг заваа барсан асуудал болдог. Харин энэ жилийн хувьд “Эх үрсийн баяр”-ыг Хүй долоон худагт тэмдэглэхээр болсон гэнэ. Баярын өдрөөр нь багачуудаа ядраахгүй гэж хотоос зайдуу цэвэр агаарт, автомашинаас хол тоглож наадах нөхцөлөөр хангахаар “Монгол наадам цогцолбор” бэлтгэл ажилдаа оржээ.
Тавдугаар сарын 30, 31-нд багачууддаа зориулж Хүүхдийн урлагийн тоглолт, унадаг дугуйн уралдаан, өсвөрийн сур харваачдын тэмцээн, сагсан бөмбөгийн тэмцээн, багачуудын бөхийн барилдаан, амьтны хүрээлэн, нохой тэжээгчдийн цуглаан зэрэг арга хэмжээг зохион байгуулах гэнэ. Энэ үеэр бага насны хүүхдүүдэд зориулсан тоглоомууд ажиллахаас гадна амттаны худалдаа эрхэлдэг бүхий л байгууллага хямдралтай үзэсгэлэн гаргах аж
Эх сурвалж http://www.info.mn
