Төр Төмбөгөр
“Эрдэнэс Тавантолгой” компанийн гүйцэтгэх захирлаар Ч.Сайнбилэг гээчийг томилжээ. Энэ эр бол ЗГХЭГ-ын дэд даргаар ажиллаж байхдаа нэлээд будилаанд нэр холбогдож байсан нөхөр.
Н.Алтанхуягийн хүргэнээс ажлыг нь авч байсан энэ нөхөр өмнө нь Тавантолгойн ТУЗ-ийн дарга байсан. Мөн Говь-Алтайд ИТХ-ын сонгууль дахин болох үеэр хууль зөрчсөн бичиг явуулсан гэгдсэн. Ч.Сайханбилэгтэй нэр овгийн эхний үсэг нь андуурагддаг ийм нэгэн. Долоо хоногийн эхээр Ч.Сайнбилэгийг өөр ажилд томилсон тул Г.Ганболдыг ЗГХЭГ-ын дэд даргаар томиллоо гэсэн нь ийм учиртай аж.
“Эрдэнэс Тавантолгой”-н гүйцэтгэх захирал асан Я.Батсуурийг АТГ-аас баривчлан саатуулснаас хойш багагүй хугацаа өнгөрчээ.
Шүүхээс түүний хорих хугацааг сунгасан тул Тавантолгой ордыг эргэлтэд оруулах асуудал ид хөндөгдөж байгаа энэ үед төрийн өмчит гол компанийн захирлын суудал эзгүй удаж байгаа нь үнэн.
Энэ суудалд МСS-ийн салбар “Гоёо”-гийн н.Энх-Амгаланг очихоор хор найруулж байгаа дуулдсан. Гэвч томилгоог ийнхүү хийжээ.
Ч.Сайнбилэг гээчийг өөр ажилд томилогдсон гэж Засгийн газар м эдээлээд байсан. Тэгвэл тус компанийн ТУЗ-ийнхөн өчигдөр л хуралдаж, Ч.Сайнбилэгийг гүйцэтгэх захирлаар томилжээ.
Тэгэхээр энэ нь “Эрдэнэс Тавантолгой”-н ТУЗ-ийн шийдвэр гэхээс илүүтэй Засгийн тэр дундаа Ч.Сайханбилэг, С.Баярцогт нарын шийдвэр бололтой. Ч.Сайнбилэг нь Засгийн газрын Хэрэг эрхлэх газрын дэд дарга, “Эрдэнэс Таван Толгой” ХК-ийн ТУЗ-ийн даргын албыг хашиж байсан учир Я.Батсуурь нарын асуудлыг мэддэг байсныг ч үгүйсгэх аргагүй мэт.
Түүнчлэн энэ томилгоотой давхцуулан “Эрдэнэс Тавантолгой” ХК-ийн ТУЗ-ийн даргаар Засгийн газрын Хэрэг эрхлэх газрын дэд дарга Г.Ганболдыг томилжээ.
Г.Самбаа
Эх сурвалж: www.gereg.mn
